|
(ພາບ: AFP/TTXVN) |
ຕາມທ່ານ Abbas Mousavi, ໂຄສົກກະຊວງການຕ່າງປະເທດອີຣານ ແລ້ວ, ເອກະສານສະບັບດັ່ງກ່າວມີຂໍ້ລິເລີ່ມສັນຕິພາບ ຢ່າງສົມບູນ ເຊິ່ງໄດ້ສົ່ງເຖິງບັນດາສະມາຊິກຂອງສະພາຮ່ວມມືເຂດອ່າວເປີເຊຍ (GCC) ແລະ ອີຣານ.
ທ່ານ Abbas Mousavi ເນັ້ນໜັກວ່າ, ການກະທຳດັ່ງກ່າວໄດ້ຊີ້ໃຫ້ເຫັນຄວາມຈິງຈັງຂອງອີຣານ ໃນຄວາມມານະພະຍາຍາມປົກປັກຮັກສາສະຖຽນລະພາບ ແລະ ຄວາມໝັ້ນຄົງຂອງເຂດອ່າວ, ພ້ອມທັງໃຫ້ຮູ້ວ່າ, ທ່ານລັດຖະມົນຕີການຕ່າງປະເທດອີຣານ Javad Zarif ກໍ່ຈະສົ່ງຈົດໝາຍເຖິງທ່ານເລຂາທິການໃຫຍ່ສະຫະປະຊາຊາດ ກ່ຽວກັບບັນຫານີ້.
