ຕາມສື່ມວນຊົນແຫ່ງລັດ ອີຣານ ແລ້ວ, ໄດ້ຍິນສຽງລະເບີດໃຫຍ່ຫຼາຍຄັ້ງເກີດຂຶ້ນຢູ່ຫຼາຍເຂດທາງທິດໃຕ້ ອີຣານ, ໃນນັ້ນ ມີນະຄອນ Bushehr, ບ່ອນທີ່ຕັ້ງໂຮງງານໄຟຟ້ານິວເຄຼຍ ໂດຍ ລັດເຊຍ ກໍ່ສ້າງ, ພ້ອມກັບບັນດານະຄອນ Konarak ແລະ Choghadak. ເຖິງຢ່າງໃດກໍຕາມ, ທາດແທ້ຂອງບັນດາເຫດລະເບີດດັ່ງກ່າວຍັງບໍ່ທັນໄດ້ຢັ້ງຢືນເທື່ອ. ພ້ອມດຽວກັນນັ້ນ, ວິທະຍຸ CNN ໄດ້ຄັດສະເໜີຄຳປາໄສຂອງເຈົ້າໜ້າທີ່ ອາເມລິກາ ໂດຍຢັ້ງຢືນວ່າ: ກຳລັງ ອາເມລິກາ ປະຈຳຢູ່ພາກພື້ນ ບໍ່ໄດ້ດຳເນີນບໍ່ວ່າການເຄື່ອນໄຫວການທະຫານໃດໆຢູ່ ອີຣານ. ສິ່ງດັ່ງກ່າວ ເຮັດໃຫ້ເກີດມີຄວາມສົງໄສໃນຫາງສຽງ ກ່ຽວກັບຄວາມອາດສາມາດ ອິດສະຣາແອັນ ອາດຈະໄດ້ດຳເນີນການບຸກໂຈມຕີ ອີຣານ. ເພາະວ່າ ກ່ອນໜ້ານັ້ນ, ໃນຖະແຫຼງການທີ່ໄດ້ຍົກອອກມາໃນຕອນບ່າຍວັນທີ 09 ກໍລະກົດ, ທ່ານ Israel Katz ລັດຖະມົນຕີກະຊວງປ້ອງກັນປະເທດ ອິດສະຣາແອັນ ຢັ້ງຢືນວ່າ ກອງທັບປະເທດນີ້ ພ້ອມແລ້ວທີ່ຈະເປີດບັ້ນບຸກໂຈມຕີ ຕ້ານ ອີຣານ ຄືນໃໝ່ ຖ້າມີຄວາມຈຳເປັນ.
ນັກຂ່າວ VOV ປະຈຳ ອີຢິບ
