ທີ່ການຕ້ອນຮັບລັດຖະມົນຕີການຕ່າງປະເທດ ອີຢິບ ແລະ ຈໍແດນ ຢູ່ທຳນຽບປະທານາທິບໍດີ. ທ່ານປະທານາທິບໍດີ ອີຣັກ Barham Salih ໄດ້ແລກປ່ຽນກັບລັດຖະມົນຕີການຕ່າງປະເທດບັນດາປະເທດດັ່ງກ່າວ ກ່ຽວກັບບັນດາມາດຕະການ ແນໃສ່ເພີ່ມທະວີການພົວພັນລະຫວ່າງບັນດາປະເທດ ອາຣັບ ແລະ ບັນດາຄວາມມານະພະຍາຍາມແນໃສ່ບັນລຸໄດ້ບັນດາມາດຕະການແກ້ໄຂທາງດ້ານການເມືອງໃຫ້ແກ່ບັນດາວິກິດການໃນພາກພື້ນ. ການນຳ ອີຣັກ ແລະ ເຈົ້າໜ້າທີ່ການຕ່າງປະເທດຂອງ 2 ປະເທດກໍ່ໄດ້ປຶກສາຫາລືກ່ຽວກັບການໜູນຊ່ວຍ ອີຣັກ ໃນກິດຈະການກໍ່ສ້າງຟື້ນຟູບັນດາເຂດທີ່ໄດ້ຮັບການປົດປ່ອຍຈາກການຢຶດຄອງຂອງບັນດາມືປືນຂຶ້ນກັບອົງການລັດອິດສະລາມ (IS).
