 ທ່ານນາຍົກລັດຖະມົນຕີ ອີຢິບ Sherif Ismail (ພາບ: EPA/TTXVN) |
ໃນສະຖານະການທີ່ສະຫງົບປອດໄພ ຍັງຄົງແມ່ນສິ່ງທ້າທາຍໃຫຍ່ສຸດສຳລັບປະເທດອາຟຣີກາ ເໜືອ ນີ້. ກ່າວຄຳເຫັນຕໍ່ໜ້າສະພາແຫ່ງຊາດ, ທ່ານນາຍົກລັດຖະມົນຕີ ອີຢິບ Sherif Ismail ຖະແຫຼງວ່າ ລັດຖະບານຈະບໍ່ນຳໃຊ້ບັນດາມາດຕະການພິເສດ, ເວັ້ນເສຍແຕ່ກໍລະນີທີ່ຈຳເປັນ ເພື່ອຮັບມືກັບການກໍ່ການຮ້າຍ. ເດືອນ ເມສາ ຜ່ານມາ, ທ່ານປະທານາທິບໍດີ ອີຢິບ Fattah El Sisi ໄດ້ປະກາດສະພາວະສຸກເສີນໃນທົ່ວປະເທດໃນຮອບເວລາ 3 ເດືອນ, ພາຍຫລັງເກີດບັນດາເຫດບຸກໂຈມຕີການກໍ່ການຮ້າຍເລັ່ງໃສ່ 2 ໂບດຢູ່ Tanta ແລະ Alexandria ເຮັດໃຫ້ 47 ຄົນເສຍຊີວິດ ແລະ 100 ຄົນຖືກຮັບບາດເຈັບ. ອົງການລັດອິດສະລາມ (IS) ຍອມຮັບໄດ້ດຳເນີນບັນດາເຫດວາງລະເບີດກໍ່ການຮ້າຍດັ່ງກ່າວ.
