 ທ່ານປະທານາທິບໍດີ ອີຢິບ Abdel Fattah El Sisi (ພາບ: AFP) |
ໃນນັ້ນ ການນຳ 2 ທ່ານສຸນໃສ່ປຶກສາຫາລືກ່ຽວກັບບັນດາຄວາມມານະພະຍາຍາມໃໝ່ສຸດ ແນໃສ່ຟື້ນຟູວິວັດການເຈລະຈາສັນຕິພາບຢູ່ຕາເວັນອອກກາງລະຫວ່າງ ອິດສະລາແອັນ ແລະ ປາແລັດສະຕິນ. ທ່ານປະທານາທິບໍດີ ອີຢິບ Abdel Fattah El Sisi ຢັ້ງຢືນຄືນໃໝ່ຄຳໝັ້ນສັນຍາຂອງ ອີຢິບ ໃນການຊອກຫາມາດຕະການແກ້ໄຂຢ່າງຍຸດຕິທຳ ແລະ ຮອບດ້ານ ທີ່ສາມາດຮັບປະກັນສິດຕ່າງໆຂອງຊາວ ປາແລັດສະຕິນ, ແນໃສ່ສ້າງລັດແຫ່ງຄວາມເອກະລາດ ດ້ວຍແມ່ນນະຄອນຫລວງ Jerusalem ຕາເວັນອອກ.
ສ່ວນທ່ານປະທານາທິບໍດີ Mahmoud Abbas ກໍ່ແຈ້ງໃຫ້ຊາບກ່ຽວກັບບັນດາຄວາມມານະພະຍາຍາມໃໝ່ສຸດ ແນໃສ່ປຸກລະດົມຄວາມສະໜັບສະໜູນຈາກປະຊາຄົມສາກົນ ສຳລັບມາດຕະການແກ້ໄຂ 2 ລັດ. ທ່ານ Mahmoud Abbas ກໍ່ຫວນຄືນບັນດາຄວາມມານະພະຍາຍາມພົ້ນເດັ່ນຂອງ ອາເມລິກາ ໃນການຟື້ນຟູວິວັດການສັນຕິພາບຢູ່ຕາເວັນອອກກາງ.
