ຕອນບ່າຍວັນທີ 9 ມິຖຸນາ, ຢູ່ສຳນັກງານລັດຖະບານ, ໂດຍການເປັນປະທານກອງປະຊຸມກັບບັນດາກະຊວງ, ຂະແໜງການ ແລະ ຄະນະກຳມະການປະຊາຊົນແຂວງ ກ໋ວາງນິງ ກ່ຽວກັບແຜນຮ່າງສ້າງນະຄອນກ໋ວາງນິງ. ທ່ານນາງ ຟ້າມທິແທັງຈ່າ ຮອງນາຍົກລັດຖະມົນຕີ ຫວຽດນາມ ເນັ້ນໜັກວ່າ ກ໋ວາງນິງຕອບສະໜອງໂດຍພື້ນຖານເງື່ອນໄຂສ້າງນະຄອນຂຶ້ນກັບສູນກາງ, ພ້ອມທັງຮຽກຮ້ອງແຜນຮ່າງສ້າງນະຄອນຕ້ອງສະແດງໃຫ້ເຫັນລະດັບ, ຄວາມສາມາດ ແລະ ຄວາມມຸ່ງຫວັງພັດທະນາຂອງທ້ອງຖິ່ນ. ທ່ານນາງ ຟ້າມທິແທັງຈ່າ ຮອງນາຍົກລັດຖະມົນຕີ ເນັ້ນໜັກວ່າ:
ເປົ້າໝາຍລວມສຳລັບການສ້າງນະຄອນກ໋ວາງນິງ ຂຶ້ນກັບສູນກາງສຳລັບຄວາມຮຽກຮ້ອງຕ້ອງການສູງທີ່ສຸດແມ່ນກາຍເປັນຕົວເມືອງທີ່ມີຄຸນນະພາບ, ກຳລັງໜູນ, ກຳລັງແຜ່ລາມຢ່າງແທ້ຈິງ, ສ້າງການພັດທະນາລວມຂອງທົ່ວເຂດ, ກໍ່ຄືທົ່ວປະເທດ. ເມື່ອໄດ້ຢັ້ງຢືນກາຍເປັນນະຄອນຂຶ້ນກັບສູນກາງຕ້ອງຮັບປະກັນຄຸນນະພາບຕົວເມືອງແບບຍືນຍົງ. ທີສອງນັ້ນແມ່ນວິວັດການປະຕິບັດລະບຽບການບໍລິຫານ ຕ້ອງຮັບປະກັນລັກສະນະຄົບຖ້ວນ, ແໜ້ນແຟ້ນ, ວິທະຍາສາດ, ມີຄຸນນະພາບ.
