ທິມບານເຕະ ອາເມລິກາ ຕ້ອງຢຸດຕິການແຂ່ງຂັນໃນຮອບ 16 World Cup 2026, ພາຍຫຼັງເສຍໄຊຕໍ່ທິມບານເຕະ ແບນຊິກ ດ້ວຍ 1 – 4 ປະຕູ ໃນນັດແຂ່ງຂັນວັນທີ 06 ກໍລະກົດ (ຕາມເວລາທ້ອງຖິ່ນ). ນັດແຂ່ງຂັນໄດ້ສິ້ນສຸດລົງ, ເຖິງຢ່າງໃດກໍຕາມ, ເລື່ອງສະຫະພັນບານເຕະໂລກ (FIFA) ອະນຸຍາດໃຫ້ກອງໜ້າຊາວ ອາເມລິກາ ທ້າວ Folarin Balogun ເຂົ້າຮ່ວມການແຂ່ງຂັນຄືນໃໝ່ ໄດ້ພາໃຫ້ເກີດການໂຕ້ຖຽງກັນຄັ້ງໃຫຍ່ສຸດໃນປະຫວັດສາດ 96 ປີຂອງ World Cup.
ກ່ອນໜ້ານັ້ນ, Balogun ຖືກຮັບບັດແດງໂດຍກົງ ໃນນັດແຂ່ງຂັນ ອາເມລິກາ ຊະນະ Bosnia & Herzegovina ແລະ ຖືກຫ້າມບໍ່ໃຫ້ແຂ່ງຂັນ 1 ນັດຕາມຂໍ້ກຳນົດ. ເຖິງຢ່າງໃດກໍຕາມ, ໃນນັດແຂ່ງຂັນກັບທິມ ແບນຊິກ ເມື່ອວັນທີ 06 ກໍລະກົດ, FIFA ພັດຍົກເລີກການຫ້າມແຂ່ງຂັນແບບກະທັນຫັນ. ສິ່ງດັ່ງກ່າວໝາຍຄວາມວ່າ ກອງໜ້າຄົນນີ້ມີເງື່ອນໄຂຢ່າງພຽງພໍເພື່ອເຂົ້າຮ່ວມນັດແຂ່ງຂັນລະຫວ່າງ ອາເມລິກາ ແລະ ແບນຊິກ. ຄຳຕັດສິນດັ່ງກ່າວໄດ້ພາໃຫ້ເກີດການໂຕ້ຖຽງກັນຫຼາຍ, ຍ້ອນເລື່ອງ “ຍົກເລີກບັດແດງ” ຄືແນວນັ້ນ ເກືອບຄືວ່າບໍ່ເຄີຍມີມາກ່ອນເທື່ອ.
ການຕັດສິນດັ່ງກ່າວພວມປະເຊີນໜ້າກັບປະຕິກິລິຍາຈາກສະຫະພັນບານເຕະ ແບນຂິກ.ສະຫະພັນບານເຕະ ເອີຣົບ ກໍໄດ້ຕຳໜິຕິຕຽນການກະທຳດັ່ງກ່າວຂອງ FIFA ເຊັ່ນດຽວກັນ.
