ກາຕາ ຢືນຢັນຄຳສັ່ງລົງໂທດຂອງ 4 ປະເທດອາຣັບ “ລະເມີດກົດໝາຍສາກົນ”

ທ່ານ Al-Thani ກ່າວຫາວ່າ 4 ປະເທດອາຣັບ ປະຕິບັດ “ນະໂຍບາຍທີ່ແຂງກະດ້າງ” ແລະ ປະຕິເສດຮັບຮູ້ມາດຕະການລົງໂທດຕ້ານ ກາຕາ ແມ່ນ “ຜິດກົດໝາຍ”. ພາຍຫຼັງໂຮມປະຊຸມຢູ່ ມານາມາ, ປະເທດ ບາເຣັນ, ລັດຖະມົນຕີການຕ່າງປະເທດຂອງ 4 ປະເທດ ໄດ້ຖະແຫຼງປະກາດຈະສືບຕໍ່ຂວ້ຳບາດ ກາຕາ ແລະ ຈະບໍ່ຖອນຄືນບັນດາຄຳຮຽກຮ້ອງສຳລັບປະເທດນີ້. ບັນດາປະເທດ ອາຣັບ ກໍ່ຖະແຫຼງກຽມພ້ອມຈະເຈລະຈາກັບ ກາຕາ ເພື່ອແນໃສ່ແກ້ໄຂການຂັດແຍ້ງກັນ “ດ້ວຍເງື່ອນໄຂ ໂດຮາ ຕ້ອງຍອມຮັບຄຳຮຽກສິດເຊິ່ງລວມມີ 13 ຂໍ້” ໃນນັ້ນມີການຢຸດຕິການອຸປະຖຳໃຫ້ລັດທິກໍ່ການຮ້າຍ ແລະ ແຊກແຊງເຂົ້າວຽກງານພາຍໃນຂອງປະເທດອື່ນ. ກຸ່ມ 4 ປະເທດ ອາຣັບ ຄັດຄ້ານ ກາຕາ ຢືນຢັນວ່າບັນດາມາດຕະການລົງໂທດຕ້ານ ໂດຮາ ໄດ້ຮັບຖືວ່າແມ່ນ “ການກະທຳອະທິປະໄຕແຫ່ງຊາດ”, ເໝາະສົມກັບກົດໝາຍສາກົນ.