ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໄດ້ສິ້ນສຸດການເດີນທາງໄປປະຕິບັດຢູ່ ແດນມາກ, ສະຫະພາບເອີລົບ ແລະ ແບນຊິກແຕ່ວັນທີ 19 – 24 ຕຸລາຕາມຄຳເຊື້ອເຊີນຂອງກະສັດແດນມາກ Frederik X ແລະ ພະມະເຫສີ, ທ່ານ António Costa ປະທານສະພາເອີລົບ ແລະ ທ່ານ Bart De Wever ນາຍົກລັດຖະມົນຕີ ແບນຊິກ. ໂດຍສັງເກດກ່ຽວກັບການຢ້ຽມຢາມ, ທ່ານ ເລຮ່ວາຍຈຸງ ລັດຖະມົນຕີກະຊວງການຕ່າງປະເທດ ຫວຽດນາມ ຢັ້ງຢືນວ່າການຢ້ຽມຢາມໄດ້ຢັ້ງຢືນ ແລະ ກຳນົດທິດກ້າວເດີນພັດທະນາໃໝ່ກ່ຽວກັບການພົວພັນດ້ານການເມືອງ, ພ້ອມທັງເປີດສະຖານທີ່ຮ່ວມມືທີ່ກວ້າງຂວາງກວ່າ ລະຫວ່າງ ຫວຽດນາມ ກັບບັນດາຄູ່ຮ່ວມມືເອີລົບ. ຕາມທ່ານລັດຖະມົນຕີ ເລຮ່ວາຍຈຸງແລ້ວ, ການເດີນທາງໄປປະຕິບັດງານມີຄວາມໝາຍສຳຄັນ, ສະແດງໃຫ້ເຫັນການຖືເປັນສຳຄັນຂອງຫວຽດນາມ ຕໍ່ບັນດາຄູ່ຮ່ວມມືເອີລົບ ແລະ ການຖືເປັນສຳຄັນຂອງບັນດາຄູ່ຮ່ວມມືສຳລັບ ຫວຽດນາມ; ປະກອບສ່ວນປັບປຸງສະພາບການການທູດ, ເປີດກວ້າງເຄືອຂ່າຍຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈ ແລະ ເພີ່ມທະວີການເຊື່ອມຕໍ່ກັບເອີລົບຢູ່ລະດັບສອງຝ່າຍ ແລະ ພາກພື້ນ.
