ມີແຫຼ່ງຂ່າວທາງການທູດໃນພາກພື້ນ ໄດ້ເຜີຍໃຫ້ຮູ້ວ່າ ບັນດານັກເຈລະຈາຂອງ ອາເມລິກາ ແລະ ອີຣານ ຍັງສືບຕໍ່ເຈລະຈາ ແລະ ຍັງບໍ່ທັນບັນລຸໄດ້ຄວາມຕົກລົງເຫັນດີກ່ຽວກັບເນື້ອໃນສຸດທ້າຍເທື່ອ. ເມື່ອຕອບສຳພາດຕໍ່ນັກຂ່າວໜັງສືພິມ Times of Israel, ແຫຼ່ງຂ່າວທາງການທູດດັ່ງກ່າວຖືວ່າ ຂໍ້ມູນກ່ຽວກັບເລື່ອງບັນດານັກເຈລະຈາສອງຝ່າຍບັນລຸໄດ້ຂໍ້ຕົກລົງ “ບໍ່ສາມາດສ່ອງແສງສະພາບການເຈລະຈາໃນປັດຈຸບັນຢ່າງຊັດເຈນໄດ້”.
ຄຳຖະແຫຼງຂ່າວດັ່ງກ່າວກົງກັນຂ້າມກັບຂໍ້ມູນທີ່ໄດ້ຍົກອອກມາກ່ອນໜ້ານັ້ນ ໂດຍຖືວ່າ ບັນດານັກເຈລະຈາ ອາເມລິກາ ແລະ ອີຣານ ບັນລຸໄດ້ຂໍ້ຕົກລົງສຸດທ້າຍ ກ່ຽວກັບບົດບັນທຶກຄວາມເຂົ້າໃຈ (MOU). ໃນຂະນະທີ່ສະພາບການຕົວຈິງ ຊີ້ໃຫ້ເຫັນວ່າ ຄວາມເຄັ່ງຕຶງຍັງບໍ່ທັນຫຼຸດລົງເທື່ອ. ຫວ່າງມໍ່ໆມານີ້, ອາເມລິກາ ສືບຕໍ່ດຳເນີນບັນດາບັ້ນບຸກໂຈມຕີທາງອາກາດເລັ່ງເຂົ້າພາກໃຕ້ ອີຣານ ດ້ວຍຂໍ້ອ້າງ “ປ້ອງກັນຕົວ” ແລະ ຖືກຝ່າຍ ອີຣານ ກ່າວຫາວ່າ ລະເມີດຂໍ້ຕົກລົງຢຸດຍິງ. ອີຣານ ຖະແຫຼງ ຈະໂຕ້ຕອບຄືນຢ່າງແຂງກະດ້າງ ຖ້າບັນດາບັ້ນບຸກໂຈມຕີຍັງສືບຕໍ່ດຳເນີນ. ໃນປະຕິກິລິຍາອື່ນ, ວັນທີ 28 ພຶດສະພາ, ທ່ານ Scott Bessent ລັດຖະມົນຕີກະຊວງການເງິນ ອາເມລິກາ ຖະແຫຼງວ່າ ອາເມລິກາ ຈະສະກັດກັ້ນບັນດາບໍລິສັດການບິນ ອີຣານ ເຂົ້າເຖິງການບໍລິການລົງຈອດເດີນ, ເພີ່ມເຊື້ອເພີງ ແລະ ຂາຍປີ້ ເມື່ອການເຈລະຈາສືບຕໍ່ຖືກຈົນຕາແຈ.
