ວັນ​ທີ 28 ມິ​ຖຸ​ນາ, ເວັບ​ໄຊ​ຂ່າວ Axios ໄດ້​ລົງ​ຂ່າວ​ທີ່​ວ່າ ອາ​ເມ​ລິ​ກາ ແລະ ອີຣານ​ໄດ້​ເຫັນ​ດີ​ເປັນ​ເອ​ກະ​ພາບ​ຢຸດ​ຕິ​ກາ​ນ​ບຸກ​ໂຈມ​ຕີ​ເຊິ່ງ​ກັນ​ແລະ​ກັນ ແລະ ດຳ​ເນີນ​ການ​ເຈ​ລະ​ຈາ​ໃນ​ວັນ​ທີ 30 ມິ​ຖຸ​ນາ ຢູ່​ນະ​ຄອນຫຼວງ ໂດ​ຮາ ຂອງ​ກາ​ຕາ ເພື່ອ​ແນ​ໃສ່​ແກ້​ໄຂ​ບັນ​ດາ​ຄວາມ​ບໍ່​ລົງ​ລອຍ​ກັນ​ເຊິ່ງ​ບິ່ນ​ອ້ອມ​ບັນ​ຫາ​ຊ່ອງ​ແຄບ​ທະ​ເລ Hormuz. ມີ​ເຈົ້າ​ໜ້າ​ທີ່​ອາ​ເມ​ລິ​ກາ ຄົນ​ໜຶ່ງ​ໃຫ້​ຮູ້​ວ່າ ສອງ​ຝ່າຍ​ຈະ​ຢຸດ​ຕິ​ການ​ປະ​ທະ​ກັນ​ຊົ່ວ​ຄາວ ແລະ ກຳ​ປັ່ນ​ອາດ​ສາ​ມາດ​ເດີນ​ທາງ​ແບບ​ເສ​ລີ ໃນ​ສະ​ພາບ​ການທີ່ ວໍ​ຊິ​ງ​ຕັນ ແລະ ເຕ​ເຮ​ຣານ ກະ​ກຽມ​ເຊື່ອມ​ຕໍ່​ບັນ​ດາ​ການ​ເຈ​ລະ​ຈາ​ດ້ານ​ເຕັກ​ນິກ. ບັນ​ດາ​ການ​ເຈ​ລະ​ຈາ​ໃນ​ເບື້ອງ​ຕົ້ນ​ໄດ້​ຂຶ້ນ​ແຜນ​ການ​ຈັດ​ຂຶ້ນ​ຢູ່ ສະ​ວິດ ແລະ ສຸມ​ໃສ່​ບັນ​ດາ​ໂຄງ​ການ​ນິວ​ເຄຼຍ​ຢູ່ ອີ​ຣານ. ເຖິງ​ຢ່າງ​ໃດ​ກໍ​ຕາມ, ສະ​ພາບ​ການ​ເຄັ່ງ​ຕຶງ​ຢູ່​ຊອງ​ແຄບ​ທະ​ເລ Hormuz, ໄດ້​ເຮັດ​ໃຫ້ເຫດ​ການ​ນີ້​ຕ້ອງ​ດຳ​ເນີນ​ຢູ່ ໂດ​ຮາ, ພ້ອມ​ທັງຫັນ​ຈຸດ​ສຸມ​ໄປ​ຍັງ​ຄວາມ​ໝັ້ນ​ຄົງ​ໃນ​ການ​ເດີນ​ເຮືອ​ຢູ່​ເສັ້ນ​ທາງ​ທະ​ເລ​ຍຸດ​ທະ​ສາດ​ນີ້.