ຕາມຂໍ້ມູນຈາກບໍລິສັດຕິດຕາມການເດີນເຮືອ Kpler ທີ່ປະກາດໃນວັນທີ 29 ມິຖຸນາແລ້ວ, ກຳປັ່ນຂົນສົ່ງສິນຄ້າ 29 ລຳໄດ້ຜ່ານຊອງຄ່ອງທະເລສຳຄັນນີ້ໃນວັນທີ 27 ມິຖຸນາ ແລະ ມີກຳປັ່ນພຽງ 12 ລຳໄດ້ໄປຜ່ານຊ່ອງແຄບນີ້ໃນວັນທີ 28 ມິຖຸນາ, ຫຼຸດລົງຢ່າງແຮງເມື່ອທຽບໃສ່ຈຳນວນກຳປັ່ນ ໄປມາຊອງແຄບ 70 ເທື່ອໃນວັນທີ 24 ມິຖຸນາ, ເຊິ່ງແມ່ນລະດັບສູງສຸດນັບແຕ່ເລີ່ມຕົ້ນການປະທະກັນຢູ່ພາກພື້ນຕາເວັນອອກກາງ.
ແລະກໍ່ໃນວັນດຽວກັນ, ກະຊວງການຕ່າງປະເທດ ອີຣານ ໃຫ້ຮູ້ວ່າ ເຕເຮຣານ ແລະ ໂອມານ ໄດ້ຈັດກອງປະຊຸມຄັ້ງທຳອິດຂອງຄະນະປະສົມ Hormuz ເພື່ອແນໃສ່ປຶກສາຫາລືການຄຸ້ມຄອງຊ່ອງແຄບທະເລ Hormuz. ຕາມທ່ານຮອງລັດຖະມົນຕີການຕ່າງປະເທດ ອີຣານ Kazem Gharibabadi ແລ້ວ, ສອງຝ່າຍໄດ້ສຳຫຼວດກວດກາບັນດາບັນຫາກ່ຽວຂ້ອງເຖິງຊ່ອງແຄບທະເລ ແລະ ແລກປ່ຽນກ່ຽວກັບກົນໄກຄຸ້ມຄອງໃນອະນາຄົດ.
ກ່ຽວຂ້ອງເຖິງບັນດາມາດຕາທີ່ລະບຸໄວ້ໃນບົດບັນທຶກຊ່ວຍຈຳລະຫວ່າງ ອາເມລິກາ ແລະ ອີຣານ, ໃນວັນທີ 29 ມິຖຸນາ, ທ່ານ Masoud Pezeshkian ປະທານາທິບໍດີ ອີຣານ ໄດ້ຮັບຮອງວ່າເງິນ 6 ຕື້ USD ໃນຍອດຈຳນວນສັບຊິນ12 ຕື້ USD ຂອງ ອີຣານ ທີ່ຖືກປິດລ້ອມຢູ່ ກາຕາ ຈະໄດ້ຮັບການຍົກເລີກ ແລະ ໂອນເງິນກັບຄືນປະເທດ.
