ວັນ​ທີ 19 ຕຸ​ລາ, ອຳ​ນາດ​ການ​ປົກ​ຄອງ​ແຂວງ Shabwa ຂອງ​ເຢ​ແມນ ໄດ້​ແຈ້ງ​ໃຫ້​ຊາບ​ວ່າ ​ກຳ​ລັງ Houthi ບຸກ​ໂຈມ​ຕີ​ດ້ວຍ​ລູ​ກ​ສອນ​ໄຟ​ເລັ່​ງ​ໃສ່ຖານ​ທີ່​ໝັ້ນການ​ທະ​ຫານ al-Alam ໄດ້​ເຮັດ​ໃຫ້​ມີ​ຜູ້​ເສຍ​ຊີ​ວິດ​ຢ່າງ​ໜ້ອຍ​ສຸດ 53 ຄົນ ແລະ ກວ່າ 200 ຄົນ​ຮັບ​ບາດ​ເຈັບ. ບັນ​ດາ​ຜູ້​ປະ​ສົບ​ເຄາະ​ຮ້າຍ​ລ້ວນ​ແຕ່​ແມ່ນ​ນັກ​ຮົບ​ໃໝ່​ຂຶ້ນ​ກັບ​ກຳ​ລັງ​ປ້ອງ​ກັນຄວາມ​ສະ​ຫງົບພາຍ​ໃນ​ປະ​ເທດ​​ທີ່ພວມ​ເຂົ້າ​ຮ່ວມ​ການ​​ຝືກ​ອົບ​ຮົບ. ໃນ​ຂະ​ນະ​ນັ້ນ, ສຳ​ນັກ​ຂ່າວ​ສານ Saba ຂອງ Houthi ໄດ້​ຄັດ​ສະ​ເໜີ​ແຫຼ່ງ​ຂ່າວ​ກອງ​ທັບ​ຢັ້ງ​ຢຶນ​ວ່າ​ກຳ​ລັງ​ນີ້​ໄດ້​ບຸກ​ໂຈມ​ຕີ​ຖານ​ທີ່​ໝັ້ນ al-Alam, ເຮັດ​ໃຫ້​ມີ​ຜູ້​ເສຍ​ຊີ​ວິດ ແລະ ຮັບ​ບາດ​ເຈັບ​ນັບ​ສິບ​ຄົນ. ລັດ​ຖະ​ບານ​ເຢ​ແມນ​ຢູ່ Shabwa ກໍ່​ສະ​ແດງ​ຄວາມ​ວິ​ຕົກ​ກັງ​ວົນ​ວ່າບັນ​ດາ​ການ​ບຸກ​ໂຈມ​ຕີ​ດ້ວຍ​ລູກ​ສອນ​ໄຟ​ອາດ​ສາ​ມາດ​ເປີດ​ທາງ​ໃຫ້​ແກ່​​ການ​ບຸກ​ໂຈມ​ຕີ​ທາ​ງ​ບົກ​ຂອງ Houthi, ທີ່ຄ້າຍ​ຄື​ກັນ​​ກັບ​ເຫດການ​​ຢູ່ Mocha, ນະ​ຄອນ​ທ່າ​ກຳ​ປັ່ນ​ຍຸດ​ທະ​ສາດ ຢູ່​ຝັ່ງ​ທະ​ເລ​ແດງ ເຊິ່ງ​ກຳ​ລັງ​ນີ້​ຢຶດ​ຄອງ​ເມື່ອ​ເດືອນ​ກ່ອນ. ແຫຼ່ງ​ຂ່າວ​ດັ່ງ​ກ່າວ​ກໍ່​ໃຫ້​ຮູ້​ວ່າ​ນັບ​ແຕ່​ວັນ​ທີ 18 ຕຸ​ລາ, Houthi ໄດ້​ຕັດ​ເສັ້ນ​ທາງ​ເຊື່ອມ​ຕໍ່ Shabwa ກັບ​ແຂວງ al-Bayda ໂດຍ​ກຳ​ລັງ​ນີ້​ຄວບ​ຄຸມ.