ວັນ​ທີ 6 ກໍ​ລະ​ກົດ, ກອງ​ທຶນສ​ປ​ຊ ​ເພື່ອ​ເດັກນ້ອຍ (UNICEF) ໃຫ້​ຮູ້​ວ່າ​ມີ​ເດັກ​ນ້ອຍກວ່າ 300 ຄົນ​ໄດ້​ເສຍ​ຊີ​ວິດ ຫຼື ຮັບ​ບາດ​ເຈັບ​ໃນ 6 ເດືອ​ນ​ຜ່ານ​ມາ, ຍ້ອນ​ການ​ປະ​ທະ​ກັນ​ຢູ່​ຊູ​ດັງ, ສ່ວນຫຼາຍ​ແມ່ນ​ການ​ບຸກ​ໂຈມ​ຕີ​ດ້ວຍ​ເຮືອ​ບິນ​ບໍ່​ມີ​ຄົນ​ຂັບ (UAV). ຕາມ UNICEF ແລ້ວ, ເດັກ​ນ້ອຍ​ຢູ່ ​ຊູ​ດັງ ​ພວ​ມ​ຖືກ​ຕິດ​ຄ້າງ​ໃນ​ສະ​ພາບ​ການ​ໃຊ້​ຄວາມ​ຮຸນ​ແຮງ, ອົບ​ພະ​ຍົບ ແລະ ຂາດ​ເຂີນ. ອົງ​ການ​ນີ້​ຮຽກ​ຮ້ອງ​ໃຫ້​ບັນ​ດາ​ຝ່າຍ​ປົກ​ປ້ອງ​ສາ​ມັນ​ຊົນ ແລະ ພື້ນ​ຖານ​ໂຄງ​ລ່າງ​ພົນ​ລະ​ເຮືອນ, ອະ​ນຸ​ຍາດ ແລະ ສ້າງ​ເງື່ອນ​ໄຂ​ສະ​ດວກ​ໃຫ້​ແກ່​ການ​ເຂົ້າ​ເຖິງ​ມະ​ນຸດ​ສະ​ທຳຢ່າງປອ​ດ​ໄພ, ວ່ອງ​ໄວ ແລະ ບໍ່​ຖືກ​ກີດ​ຂວາງ, ປະ​ຕິ​ບັດ​ທຸກ​ມາດ​ຕະ​ການ​ທີ່​ສາ​ມາດ​ເຮັດ​ໄດ້​ເພື່ອ​ປົກ​ປ້ອງ​ເດັກ​ນ້ອຍ​ບໍ່​ໃຫ້​ເສຍ​ຫາຍ.