 ລາຍການສະແດງສິລະປະສະເຫຼີມສະຫຼອງ 70 ປີແຫ່ງວັນຊາດ ສປ.ຈີນ (ພາບ: thoidai.com.vn) |
ກ່າວຄຳເຫັນທີ່ການພົບປະ,ທ່ານນາງ ຫງວຽນເຟືອງງາ ປະທານສະຫະສະມາຄົມບັນດາອົງການມິດຕະພາບ ຫວຽດນາມ ເນັ້ນໜັກເຖິງ: ການປັບປຸງແລະການຜັນຂະຫຍາຍການພົວພັນມິດຕະພາບທີ່ເປັນມູນເຊື້ອຖານບ້ານໃກ້ເຮືອນຄຽງ ຢ່າງບໍ່ຢຸດຢັ້ງ, ຊຸກຍູ້ພົວພັນລະຫວ່າງ ຫວຽດນາມ - ຈີນພັດທະນາຢ່າງມີສະຖຽນລະພາບ, ປອດໃສ, ໝັ້ນຄົງ, ປະຕິບັດຕາມບັນດາຂໍ້ຕົກລົງ, ຄວາມຮັບຮູ້ລວມຂອງການນຳຂັ້ນສູງສອງປະເທດ, ຄວບຄຸມບັນດາຄວາມບໍ່ລົງລອຍກັນຢູ່ທະເລເປັນຢ່າງດີນັ້ນ, ບໍ່ພຽງແຕ່ແມ່ນໜ້າທີ່ຮັບຜິດຊອບຂອງສອງພັກ, ສອງລັດເທົ່ານັ້ນ, ຫາກຍັງແມ່ນຄວາມປາດຖະໜາຂອງປະຊາຊົນ ສອງປະເທດອີກດ້ວຍ. ນີ້ກໍ່ແມ່ນປັດໄຈສຳຄັນໃຫ້ແກ່ພາລະກິດ ສ້າງສາ, ພັດທະນາປະເທດຊາດຂອງແຕ່ລະປະເທດ, ມີຜົນປະໂຫຍດໃຫ້ແກ່ສັນຕິພາບ, ສະຖຽນລະພາບ, ການພັດທະນາຂອງພາກພື້ນ ແລະ ໂລກ.
ສ່ວນທ່ານ ຊຸ໊ງປົວ ເອກອັກຄະລັດຖະທູດຈີນປະຈຳ ຫວຽດນາມ ຕີລາຄາສູງບັນດາການປະກອບສ່ວນຂອງສະຫະພັນຂອງບັນດາອົງການມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ຈີນ ໃນການຊຸກຍູ້ການພົວພັນແລກປ່ຽນປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນທີ່ເປັນມູນເຊື້ອເຊິ່ງໄດ້ຮັບການເພີ່ມພູນຄູນສ້າງຈາກບັນດາການນຳສອງປະເທດ.
