ຕາມກະຊວງກະສິກຳ ແລະ ສິ່ງແວດລ້ອມ ຫວຽດນາມ, ໃນ 8 ເດືອນຂອງປີ 2026, ການສົ່ງອອກເຂົ້າສານບັນລຸກ່ວາ 6 ລ້ານໂຕນ, ດ້ວຍມູນຄ່າການສົ່ງອອກບັນລຸເກືອບ 2.91 ຕື້ USD, ຫລຸດລົງເມື່ອທຽບກັບໄລຍະດຽວກັນຂອງປີ 2025. ເຖິງແນວນັ້ນກໍ່ຕາມ, ລາຄາສົ່ງອອກເລີ່ມຟື້ນຟູພ້ອມກັບບັນດາການປ່ຽນແປງກ່ຽວກັບການສະໜອງ-ຄວາມຕ້ອງການຢູ່ບັນດາຕະຫຼາດໃຫ່ຍທີ່ພວມສ້າງໂອກາດຕື່ມອີກ ເພື່ອໃຫ້ຂະແໜງນີ້ ເພີ່ມລະດັບຄວາມໄວໃນເວລາທ້າຍປີ.
ໜ້າສົນໃຈແມ່ນ, ໃນເດືອນກໍລະກົດປີ 2026, ລາຄາສົ່ງອອກເຂົ້າສານສະເລ່ຍບັນລຸ 511 USD /ໂຕນ, ເປັນຄັ້ງທຳອິດໃນປີໄດ້ເພີ່ມຂຶ້ນ ເມື່ອທຽບກັບໄລຍະດຽວກັນຂອງປີ 2025, ດ້ວຍລະດັບເພີ່ມຂຶ້ນແມ່ນ 5.8%.
ຄາດວ່າ ທັງປີ 2026, ຍອດວົງເງິນສົ່ງອອກເຂົ້າສານຂອງ ຫວຽດນາມ ບັນລຸປະມານ 3.94 ຕື້ USD, ຫລຸດ 4% ເມື່ອທຽບກັບໄລຍະດຽວກັນຂອງປີ 2025. ສາຍເຫດຕົ້ນຕໍແມ່ນລາຄາສົ່ງອອກຕ່ຳໃນຊຸມເດືອນຕົ້ນປີ. ແຕ່ເຖິງແນວນັ້ນກໍ່ຕາມ, ທ່າຟື້ນຟູລາຄານັບແຕ່ເດືອນກໍລະກົດອາດຈະປະກອບສ່ວນປັບປຸງວົງເງິນສົ່ງອອກໃນຊຸມເດືອນທ້າຍປີ.
