ບັນດາການນຳຂັ້ນສູງປະເທດ ສປປ.ລາວ ເນັ້ນໜັກວ່າ ບັນດາຜົນງານຂອງ ຫວຽດນາມ ແມ່ນບົດຮຽນອັນລ້ຳຄ່າ, ແມ່ນການລະດົມກຳລັງໃຈຢ່າງໃຫຍ່ຫຼວງ ທີ່ມີຕໍ່ພາລະກິດປົກປັກຮັກສາ, ສ້າງສາ ແລະ ພັດທະນາປະເທດ ລາວ. ເຖິງວ່າ, ສະພາບການຢູ່ພາກພື້ນ ແລະ ສາກົນມີການຜັນແປສັບສົນຫຼາຍຢ່າງກໍ່ຕາມ, ປະເທດ ລາວ ຍັງຕັດສິນໃຈປົກປັກຮັກສາ ແລະ ເພີ່ມພູນຄູນສ້າງສາຍພົວພັນກັບ ຫວຽດນາມ. ສາຍພົວພັນ ລາວ - ຫວຽດນາມ ຈະສວຍສົດງົດງາມ, ໄປຊົ່ວກາລະນານ.
ສ່ວນການນຳ ກຳປູເຈຍ ເນັ້ນໜັກວ່າ ຍາມໃດ ກຳປູເຈຍ ກໍ່ຖື ການພົວພັນ “ຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ຮ່ວມມືຮອບດ້ານ, ຍືນຍົງຍາວນານ” ກັບ ຫວຽດນາມ ເປັນສຳຄັນ.
ບັນດາການນນຳ ລັດເຊຍ ຊີ້ແຈ້ງວ່າ ການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ ຫວຽດນາມ ແລະ ລັດເຊຍ ພວມພັດທະນາຢ່າງຕັ້ງໜ້າ. ບົນຈິດໃຈມິດຕະພາບ, ເຄົາລົບເຊິ່ງກັນ ແລະ ກັນ, 2 ປະເທດຈະສືບຕໍ່ຊຸກຍູ້ຫຼາຍຂໍ້ລິເລີມ ແລະ ເນື້ອໃນຮ່ວມມື 2 ຝ່າຍ, ພ້ອມກັນນັ້ນສົມທົບກັນຢ່າງແໜ້ນແຟ້ນ ກ່ຽວກັບບັນດາບັນຫາພາກພື້ນ ແລະ ສາກົນ, ຕອບສະໜອງຜົນປະໂຫຍດຂອງປະຊາຊົນ 2 ປະເທດ.
ເນື່ອງໃນໂອກາດນີ້, ການນຳ ຫວຽດນນາມ ກໍ່ໄດ້ຮັບໂທລະເລກຊົມເຊີຍຈາກການນຳ ສປປ.ເກົາຫຼີ, ໂມງໂກນ, ພະເຈົ້າຈັກກະພັດຍີ່ປຸ່ນ Naruhito, ທ່ານ Emmanuel Macron, ປະທານາທິບໍດີ ຝລັ່ງ, ກະສັດ ອັງກິດ Charles III.
