ການນໍາລັດເຊຍ, ຝລັ່ງ ເຈລະຈາຜ່ານທາງໂທລະສັບ ກ່ຽວກັບສະພາບການລະຫວ່າງ ຊີຣີ ແລະ ຢູແກຼນ

ວັນທີ 02 ມັງກອນ, ທ່ານປະທານາທິບໍດີ ລັດເຊຍ Vladimir Putin ແລະ ຄູ່ຕໍາແໜ່່ງ ຝລັ່ງ Emmanuel Macron ໄດ້ມີີການເຈລະຈາຜ່ານທາງໂທລະສັບ ເພື່ອແນໃສ່ປຶກສາຫາລື ກ່ຽວກັບວິກິດການຢູ່ ຊີຣີ, ກໍຄືແລກປ່ຽນທັດສະນະກ່ຽວກັບການປະທະກັນ ຢູ່ ຢູແກຼນ. ຕາມແຈ້ງການຂອງສື່ມວນຊົນ ຂອງ ວັງ Kremlin, ການນໍາສອງທ່ານໄດ້ປຶກສາຫາລືຢ່າງລະອຽດບັນດາບັນຫາກ່ຽວກັບສະພາບການຂອງ ຊີຣີ, ຕົ້ນຕໍແມ່ນໃນຂອບເຂດຂໍ້ຕົກລົງ 4 ຝ່າຍ ກ່ຽວກັບການສ້າງຕັ້ງຄະນະກໍາມະການລັດຖະທໍາມະນູນ ພາຍຫຼັງກອງປະຊຸມສຸດຍອດລັດເຊຍ, ຕວກກີ, ເຢຍລະມັນ ແລະ ຝລັ່ງ ຢູ່ Instanbul ໃນວັນທີ 27 ຕຸລາ 2018. ໄປຄຽງຄູ່ກັນນັ້ນ, ສອງຝ່າຍໄດ້ແລກປ່ຽນທັດສະນະກ່ຽວກັບສະພາບການຂອງ ຢູແກຼນ, ໃນນັ້ນ ມີຄວາມເຄັ່ງຕຶງລະຫວ່າງ Kiev ແລະ Moskva ຢູ່ ຊ່ອງແຄບທະເລ Kerch ໃນວັນທີີ 25 ພະຈິກ 2018 ຜ່່ານມາ.