ພາຍຫລັງປຸກລະດົມການຕໍ່ສູ້ເພື່ອແນໃສ່ຢືດຄອງນະຄອນຫລວງ Tripoli ແລະ ບັນລຸໄດ້ໝາກຜົນໃນເບື້ອງຕົ້ນ, ກຳລັງອ້າງຊື່ເອງແມ່ນກອງທັບແຫ່ງຊາດ ລີບີ (LNA) ສະຫນັບສະຫນູນອຳນາດການປົກຄອງພາກຕາເວັນອອກ ພວມມີປະກົດການຖືກຕົກສະຫນົມ ແລະ ປະຈຸບັນບໍ່ສາມາດທຳລາຍຂະຫນານຈັ້ງທ່າຂອງບັນດາກຳລັງສະຫນັບສະຫນູນລັດຖະບານ GNA ທີ່ໄດ້ຮັບການຮັບຮອງຈາກ ສະຫະປະຊາຊາດ. ຊ່້ຳບໍ່ໜຳ ບັນດາກຳລັງຈົ່ງຮັກພັກດີຕໍ່ກັບ GNA ໄດ້ດຳເນີນການຕ່າວໂຈມຕີຕ້ານຄືນກຳລັງພາກຕາເວັນອອກຢູ່ ເຂດທາງທິດໃຕ້ນະຄອນຫລວງ Tripoli.
ການປະທະກັນຄັ້ງຫລ້າສຸດນີ້ໄດ້ເກີດຂຶ້ນ ພາຍຫລັງ ທຳນຽບຂາວ ຢັ້ງຢືນວ່າ ທ່ານປະທານາທິບໍດີ ອາເມລິກາ Donald Trump ໄດ້ມີການໂອ້ລົມທາງໂທລະສັບກັບນາຍພົນ Khalifa Hafta ຊື່ງແມ່ນຜູ້ບັນຊາການກຳລັງ LNA.
