ຕາມເວັບໄຊ Al Arabiya (alarabiya.net) ວັນທີ 15 ສິງຫາ, ບັນດາການປະທະກັນລະຫວ່າງກອງທັບລັດຖະບານ ເຢແມນ ແລະ ກຳລັງ ຮູທີ ສືບຕໍ່ເກີດຂຶ້ນຢູ່ຫຼາຍເຂດ. ພິເສດ, ກອງທັບ ເຢແມນ ຍັງນຳໃຊ້ເຮືອບິນບໍ່ມີຄົນຂັບ (UAV) ເພື່ອບຸກໂຈມຕີບັນດາສະຖານທີ່ຂອງກຳລັງ ຮູທີ ຢູ່ແຂວງ al-Jawf ທາງທິດຕາເວັນອອກ.
ທ່ານ ວາທີນາຍພົນ Sadiq al-Asri, ສັງກັດຢູ່ວິທະຍາຄານທະຫານອາກາດ ແລະ ປ້ອງກັນອາກາດ ເຢແມັນ ໃຫ້ຮູ້ວ່າ ເລື່ອງນຳໃຊ້ UAV ເຂົ້າໃນການເຄື່ອນໄຫວແມ່ນບາດກ້າວສຳຄັນໃນຄວາມມານະພະຍາຍາມສ້າງຕັ້ງຄືນໃໝ່ ແລະ ພັດທະນາກຳລັງຄວາມສາມາດຂອງກຳລັງກອງທັບອາກາດປະເທດນີ້. ທ່ານກໍ່ໃສ່ໃຈວ່າ ການກະທຳນີ້ດຳເນີນໄປພ້ອມກັບບັນດາຄວາມມານະພະຍາຍາມຍົກລະດັບເຮືອບິນສູ້ຮົບຄືນໃໝ່ ແລະ ພັດທະນາລະບົບລູກສອນໄຟໄລຍະກາງ.
ໃນສະພາບຄວາມເຄັ່ງຕຶງດ້ານການທະຫານທີ່ເພີ່ມຂຶ້ນຢູ່ ເຢແມນ, ວັນທີ 13 ສິງຫາ, ສະພາຄວາມໝັ້ນຄົງສະຫະປະຊາຊາດ ໄດ້ຈັດວາລະປຶກສາຫາລືເປີດກ່ຽວກັບສະພາບການຢູ່ ເຢແມນ.
