(ພາບ: ທ່ານ ເຈິ່ນຫາຍເຮົ້າ)
ການພົວພັນດ້ານການເມືອງລະຫວ່າງ ຫວຽດນາມ ແລະ ນິວຊີແລນ ນັບມື້ນັບມືຄວາມໄວ້ເນື້ອເຊື່ອໃຈ. ທ່ານ ເຈິ່ນຫາຍເຮົ້າ, ເອກອັກຄະລັດຖະທູດສະໄໝທຳອິດປະຈຳ ນິວຊີແລນ (2003 – 2007) ເນັ້ນໜັກຄືແນວນັ້ນ ເມື່ອຕອບສຳພາດຕໍ່ນັກຂ່າວ VOV ເນື່ອງໃນໂອກາດການຢ້ຽມຢາມທາງລັດຖະກິດ ອົດສະຕາລີ ຂອງທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ. ຕາມທ່ານເອກອັກຄະລັດຖະທູດ ເຈິ່ນຫາຍເຮົ້າ ແລ້ວ, ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ນິວຊີແລນ ໄດ້ເອົາໃຈໃສ່ໃນຫຼາຍຂົງເຂດ, ຄື: ການຄ້າ - ການລົງທຶນ, ການສຶກສາ - ບຳລຸງສ້າງ, ກະສິກຳເຕັກໂນໂລຊີສູງ, ວິທະຍາສາດເຕັກໂນໂລຊີ, ການປ້ອງກັນຊາດ ປ້ອງກັນຄວາມສະຫງົບ. ຕາມທ່ານເອກອັກຄະລັດຖະທູດ ເຈິ່ນຫາຍເຮົາ ແລ້ວ, ຄວາມສາມາດບົມຊ້ອນຮ່ວມມືດ້ານການຄ້າລະຫວ່າງ 2 ປະເທດຍັງໃຫຍ່ຫຼວງຢູ່ ແລະ ເປົ້າໝາຍນຳວົງເງິນການຄ້າ 2 ຝ່າຍໃຫ້ບັນລຸ 3 ຕື້ USD ໃນໄລຍະຈະມາເຖິງແມ່ນສາມາດບັນລຸໄດ້.
“ຂ້າພະເຈົ້າເຊື່ອໝັ້ນວ່າ ດ້ວຍການຢ້ຽມຢາມມີຂອບຂະໜາດປະຫວັດສາດຂອງທ່ານເລຂາທິການໃຫຍ່, ປະທານປະເທດ ໂຕເລິມ, ແນ່ນອນວ່າ 2 ຝ່າຍຈະບັນລຸໄດ້ຫຼາຍຂໍ້ຕົກລົງຮ່ວມມືໃໝ່ໃນຫຼາຍຂົງເຂດ, ເພື່ອແນໃສ່ຜັນຂະຫາຍບັນດາເນື້ອໃນຂອງການພົວພັນຄູ່ຮ່ວມມືຍຸດທະສາດຢ່າງຮອບດ້ານ ເຊິ່ງລະອຽດແມ່ນໂຄງການກະທຳໄລຍະ 2025 – 2030. ຂ້າພະເຈົ້າຫວັງວ່າ ນິວຊີແລນ ຈະຕອບສະໜອງບັນດາຂົງເຂດເຊິ່ງ ຫວຽດນາມ ມີຄວາມສົນໃຈ, ຄື: ການຮ່ວມມືດ້ານວິທະຍາສາດ - ເຕັກໂນໂລຊີ, ກະສິກຳ, ນະວັດຕະກຳ..., ສະໜັບສະໜູນ, ສົມທົບກັນຢູ່ບັນດາເວທີປາໄສພາກພື້ນ ແລະ ສາກົນ”.
