(ພາບ: VGP)
ການຮ່ວມມືດ້ານເສດຖະກິດ, ການຄ້າ ແລະ ການລົງທຶນແມ່ນເສົາຄ້ຳສຳຄັນໃນການພົວພັນ ຫວຽດນາມ - ອາເມລິກາ. ນີ້ແມ່ນຄຳຢືນຢັນຂອງທ່ານ ຟ້າມຢາຕຸກ, ຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ໃນວັນທີ 17 ກໍລະກົດ, ຢູ່ ຮ່າໂນ້ຍ, ທີ່ການເຮັດວຽກກັບຜູ້ຕາງໜ້າສະຫະສະມາຄົມ ແລະ ວິສາຫະກິດ ອາເມລິກາ ຈຳນວນໜຶ່ງທີ່ພວມລົງທຶນ, ດຳເນີນທຸລະກິດຢູ່ ຫວຽດນາມ.
ຕາມທ່ານຮອງນາຍົກລັດຖະມົນຜູ້ປະຈຳການລັດຖະບານ ຟ້າມຢາຕຸກ ແລ້ວ, ລັດຖະບານ ຫວຽດນາມ ຖືປະຊາຄົມວິສາຫະກິດ ອາເມລິກາ ບໍ່ພຽງແຕ່ແມ່ນບັນດານັກລົງທຶນ, ຄູ່ຮ່ວມມືດຳເນີນທຸລະກິດເທົ່ານັ້ນ, ຫາກຍັງແມ່ນບັນດາຄູ່ຮ່ວມເດີນທາງໃນວິວັດການ ຫວຽດນາມ ປ່ຽນແປງໃໝ່ຮູບແບບເຕີບໂຕ, ຊຸກຍູ້ວິທະຍາສາດ, ເຕັກໂນໂລຊີ, ນະວັດຕະກຳ, ການຫັນເປັນດີຈີຕອນ ແລະ ຫັນເປັນສີຂຽວອີກດ້ວຍ.
ສ່ວນຜູ້ຕາງໜ້າບັນດາວິສາຫະກິດ ອາເມລິກາ ຕີລາຄາສູງເລື່ອງ ຫວຽດນາມ ປະກາດໃຊ້ມະຕິສະບັບຕ່າງໆເພື່ອຊຸກຍູ້ບັນດາກຳລັງໜູນພັດທະນາໃໝ່ ແລະ ຖືວ່າ ນີ້ແມ່ນຂີດໝາຍສຳຄັນ, ສ້າງຄວາມໄວ້ເນື້ອເຊື່ອໃຈ ແລະ ສົ່ງເສີມວິສາຫະກິດ ອາເມລິກາ ສືບຕໍ່ເປີດກວ້າງການລົງທຶນ, ດຳເນີນທຸລະກິດຢູ່ ຫວຽດນາມ. ບັນດາວິສາຫະກິດ ອາເມລິກາ ປາດຖະໜາຢາກຮ່ວມເດີນທາງພ້ອມກັບລັດຖະບານ ຫວຽດນາມ ປະຕິບັດບັນດາເປົ້າໝາຍຍຸດທະສາດຂອງປະເທດຊາດ, ພິເສດແມ່ນເປົ້າໝາຍການເຕີບໂຕ 2 ຕົວເລກ.
