ວັນທີ 14 ກໍລະກົດ, ຕາມເວລາທ້ອງຖິ່ນ, ໃນເງື່ອນໄຂປະຕິບັດຕົວຈິງຍັງປະສົບກັບຄວາມຫຍຸ້ງຍາກ ແລະ ຈຳກັດກ່ຽວກັບເຄື່ອງອຸປະກອນທາງການແພດ, ບັນດາແພດໝໍໂຮງໝໍກາງສະໜາມຂັ້ນ 2 ເລກ 7 ຂອງ ຫວຽດນາມ ຢູ່ຄະນະຮັກສາສັນຕິພາບ ສປຊ ປະຈຳ ຊູດັງໃຕ້ ໄດ້ບົ່ງມະຕິແຕ່ໄວ, ຊັດເຈນ ແລະ ຜ່າຕັດສຳເລັດກໍລະນີໄສ້ຕິ່ງອັກເສບ ກໍລະນີໜຶ່ງໃຫ້ທະຫານປະຊາຊົນ ມົງໂກນ ທີ່ພວມປະຕິບັດໜ້າທີ່ຢູ່ UNMISS. ນີ້ແມ່ນກໍລະນີຜ່າຕັດທີ 27 ຂອງໂຮງໝໍກາງສະໜາມຂັ້ນ 2 ເລກ 7 ຂອງຄະນະແພດໝໍ.
ໃນເງື່ອນໄຂທີ່ເຄື່ອງອຸປະກອນບົ່ງມະຕິຜ່ານພາບຖ່າຍຢູ່ສະໜາມປະຕິບັດໜ້າທີ່ຍັງມີຂໍ້ຈຳກັດຫຼາຍຢ່າງ, ເລື່ອງກວດພົບໂດຍໄວ, ການປະເມີນອາການຂອງພະຍາດຢ່າງຖືກຕ້ອງ ແລະ ຕັດສິນຜ່າຕັດຢ່າງທັນການແມ່ນປັດໄຈສຳຄັນຊ່ວຍໃຫ້ການຜ່າຕັດປະສົບຜົນສຳເລັດ, ຮັບປະກັນຄວາມປອດໄພໃຫ້ແກ່ຄົນເຈັບ.
ນີ້ກໍແມ່ນພະຍານໃຫ້ແກ່ຈິດໃຈຄວາມຮັບຜິດຊອບ, ຈັນຍາບັນອາຊີບ ແລະ ຄວາມສຸດຈິດສຸດໃຈຂອງບັນດານັກຮົບໃສ່ໝວກເບເລ່ຟ້າຂອງ ຫວຽດນາມ ໃນການປະຕິບັດໜ້າທີ່ເບິ່ງແຍງສຸຂະພາບໃຫ້ແກ່ກຳລັງຮັກສາສັນຕິພາບ ສປຊ ແລະ ປະຊາຄົມສາກົນຢູ່ ຊູດັງໃຕ້.
