ໂດຍໄດ້ປະຕິບັດບັ້ນ 500 ວັນ ແລະ ຄືນຍູ້ແຮງການປະຕິບັດຊອກຫາ, ເຕົ້າໂຮມ ແລະ ກຳນົດຊື່ ແລະ ນາມສະກຸນອັດຖິນັກຮົບເສຍສະຫຼະຊີວິດເພື່ອຊາດ, ຕອນເຊົ້າວັນທີ 10 ກໍລະກົດ, ຄະນະຊີ້ນຳກ່ຽວກັບຊອກຫາ, ເຕົ້າໂຮມ ແລະ ກຳນົດຊື່ ແລະ ນາມສະກຸນອັດຖິນັກຮົບເສຍສະຫຼະຊີວິດເພື່ອຊາດແຂວງ ກວາງຈິ ໄດ້ຈັດກອງປະຊຸມສຳມະນາຢັ້ງຢືນ, ສະຫລຸບຂໍ້ມູນກ່ຽວກັບນັກຮົບເສຍສະຫຼະຊີວິດເພື່ອຊາດ, ສຸສານນັກຮົບເສຍສະຫຼະຊີວິດເພື່ອຊາດເຂດ ເກົາຍີ, ຕາແສງ ນາມຫາຍລັງ, ແຂວງ ກວາງຈິ.
ບັນດາຜູ້ແທນໄດ້ຄົ້ນຄ້ວາບັນດາແຫຼ່ງເອກະສານປະຫວັດສາດພາຍໃນປະເທດ, ເອກະສານການກະທະຫານເຜີຍຄວາມລັບຂອງ ອາເມລິກາ, ຂໍ້ມູນເຕົ້າໂຮມຜ່ານບັນດາໄລຍະ, ໝາກຜົນການສຳຫຼວດຕົວຈິງ ພ້ອມກັບຫຼາຍແຫຼ່ງຂໍ້ມູນຈາກຕົວພະຍານປະຫວັດສາດ ແລະ ປຊຊ ທ້ອງຖິ່ນ. ຫຼາຍຂໍ້ມູນໃຫ້ເຫັນວ່າ ນີ້ແມ່ນບ່ອນ ເສຍສະຫຼະຂອງບັນດານັກຮົບກອງພົນ 308 ໃນບັ້ນຕໍ່ສູ້ເມື່ອຮຸ່ງເຊົ້າວັນທີ 26 ພຶດສະພາປີ 1972. ບັນດາຂໍ້ມູນທີ່ມີໃນປະຈຸບັນກໍ່ໃຫ້ເຫັນວ່າ ເຂດນີ້ໄດ້ຊອກຫາ, ເຕົ້າໂຮມອັດຖິນັກຮົບເສຍສະຫຼະຊີວິດເພື່ອຊາດລວມ 29 ອັດຖິ.
