ອາກຊັງຕິນ ເປີດຕົວຮູບປັ້ນ Messi ສູງ 26 ແມັດ
ນະຄອນ Cutral Co, ຂຶ້ນກັບແຂວງ Neuquén, ອາກຊັງຕິນ ຫາກໍ່ເປີດຕົວຮູບປັ້ນກອງໜ້າ Lionel Messi ສູງ 26 ແມັດ ໂດຍໄດ້ຮັບຖືວ່າແມ່ນສູງທີ່ສຸດໃນໂລກ ຊຶ່ງສູງກວ່າຮູບປັ້ນຂອງນັກເຕະບານຄົນນີ້ຢູ່ອິນເດຍ. ຜົນງານໂດຍນັກສິລະປິນທ້ອງຖິ່ນ Aldo Beroisa ປະຕິບັດ. ຮູບປັ້ນວາບພາບ ນັກເຕະບານ Messi ພວມນຸ່ງເສື້ອທິມຊາດບານເຕະ ອາກຊັງຕິນ ຍົກ ຂັນຊະນະເລີດ World Cup ຂຶ້ນສູງເຊິ່ງເພິ່ນພ້ອມກັບທິມບານເຕະຂອງຕົນຍາດໄດ້ຢູ່ Qatar 2022.
ກ່າວຄຳເຫັນໄຂພິທີເປີດ, ອຳນາດການປົກຄອງ ນະຄອນ ເນັ້ນໜັກວ່າ ນີ້ແມ່ນສັນຍາລັກເຊີດຊູ Messi ກໍ່ຄືຄວາມເອກອ້າງທະນົງໃຈແຫ່ງຊາດພາຍຫຼັງ ຍາດໄດ້ລາງວັນຊະນະເລີດໂລກ ຂອງ ອາກຊັງຕິນ. ໂຄງການໃໝ່ບໍ່ພຽງແຕ່ແມ່ນສັນຍາລັກວັດທະນະທຳເທົ່ານັ້ນ ຫາກຍັງປະກອບສ່ວນໂຄສະນາການທ່ອງທ່ຽວໃຫ້ແກ່ ນະຄອນ Cutral Co ໂດຍ ແຂວງ Neuquén ຮັບຮູ້ວ່າແມ່ນເມືອງຫຼວງຂອງຮູບປັ້ນ.
25% ຈຳນວນນັດເຕະບານຂອງ World Cup ໄດ້ດຳເນີນພາຍໃຕ້ອຸນຫະພູມທີ່ອັນຕະລາຍ
ແດດຮ້ອນພົວມປະກົດຂຶ້ນຄືແມ່ນໜຶ່ງໃນບັນດາບັນຫາທີ່ເປັນໜ້າວິຕົກກັງວົນທີ່ສຸດຢູ່ຮອບຊີງຊະນະເລີດໃນການງານແຂ່ງຂັນບານເຕະໂລກ (World Cup) 2026 ເມື່ອອຸນຫະພຸມສ່ວນຫຼາຍສູງກວ່າ 30 ອົງສາຊີ ໃນເວລາດຳເນີນບັນດານັດເຕະບານ. ຕາມການວິເຄາະຂອງອົງການຄົ້ນຄ້ວາຈຳນວນໜຶ່ງ ແລະ ສະມາຄົມນັກເຕະເປັນມືອາຊີບໂລກ (FIFPRO) ແລ້ວ, ມີຫຼາຍນັດເຕະຂອງ World Cup ຢູ່ອາເມລິກາ ໄດ້ດຳເນີນໃນເງື່ອນໄຂອຸນຫະພູມສູງກວ່າລະດັບກ່າວເຕືອນ. ຕໍ່ໜ້າສະພາບການນີ້, ສະຫະພັນບານເຕະໂລກ ໄດ້ໝູນໃຊ້ໄລຍະພັກຜ່ອນກິນນ້ຳບັງຄັບ, ພ້ອມທັງເພີ່ມທະວີບັນດາມາດຕະການສາທາລະນະສຸກ ແລະ ລະບົບທຳຄວາມເຢັນຢູ່ ສະໜາມກິລາ.
ບັນດານັກຊ່ຽວຊານໃຫ້ຂໍ້ສັງເກດວ່າ ພວມກາຍເປັນສິ່ງທົດລອງໃຫຍ່ສຳລັບບານເຕະໃນສະພາບການປ່ຽນແປງຂອງດິນຟ້າອາກາດນັບມື້ນັບຈະແຈ້ງ. ມີຄຳເຫັນຫຼາຍຢ່າງຖືວ່າ FIFA ຈະຄິດໄລ່ຄືນຈຸດເວລາແຂ່ງຂັນກໍ່ຄືບັນດາມາດຕະການປົກປ້ອງນັກເຕະຢູ່ບັນດາການແຂ່ງຂັນໃຫຍ່ທີ່ສຸດໃນອະນາຄົດ.
