(ພາບ: QĐND)
ວັນທີ 06 ກໍລະກົດ (ຕາມເວລາທ້ອງຖິ່ນ), ຄະນະປະຕິບັດງານໂດຍກະຊວງປ້ອງກັນປະເທດ ຫວຽດນາມ ໄດ້ໄປເຖິງເຂດ Abyei (ອາຟະລິກາ), ເລີ່ມຕົ້ນລາຍການເຮັດວຽກກັບກຳລັງຮັກສາສັນຕິພາບສະຫະປະຊາຊາດ ຫວຽດນາມ ຢູ່ຄະນະປະຕິບັດງານຄວາມໝັ້ນຄົງຊົ່ວຄາວສະຫະປະຊາຊາດປະຈຳ Abyei.
ໃນລາຍການເຮັດວຽກຢູ່ຖານທີ່ໝັ້ນ Highway, ຄະນະປະຕິບັດງານໂດຍທ່ານພັນເອກ ຟ້າມເຕິນຟອງ, ຮອງຫົວໜ້າກົມຮັກສາສັນຕິພາບ ຫວຽດນາມ ເປັນຫົວໜ້າຄະນະ ໄດ້ຈັດກອງປະຊຸມຊາບຊຶມ ແລະ ມອບໜ້າທີ່ໃຫ້ກຳລັງຮັກສາສັນຕິພາບ ຫວຽດນາມ ຢູ່ຄະນະປະຕິບັດງານຄວາມໝັ້ນຄົງຊົ່ວຄາວສະຫະປະຊາຊາດ ປະຈຳ Abyei, ລວມມີ: ກອງທະຫານຊ່າງແສງເລກ 4, ໜ່ວຍປະຕິບັດງານກະຊວງປ້ອງກັນປະເທດ ແລະ ໜ່ວຍປະຕິບັດງານເລກ 7 ກະຊວງຕຳຫຼວດ.
ທີ່ການເຮັດວຽກ, ທ່ານຫົວໜ້າຄະນະປະຕິບັດງານໄດ້ຕີລາຄາສູງກຳລັງການຈັດຕັ້ງ ແລະ ລັກສະນະເປັນກຳລັງຫຼວງຂອງກົມກອງ. ທ່ານພັນເອກ ຟ້າມເຕິນຟອງ ຢືນຢັນວ່າ ເລື່ອງກອງທະຫານຊ່າງແສງເລກ 4 ຮັກສາລະດັບຄວາມຄືບໜ້າ ແລະ ຄຸນນະພາບບັນດາກິດຈະກຳຈຸດສຸມໃນເງື່ອນໄຂດິນຟ້າອາກາດທີ່ຮ້າຍແຮງ, ພູມສັນຖານທີ່ສັບສົນ ພ້ອມກັບສະພາບຄວາມໝັ້ນຄົງໃນບໍລິເວນທີ່ຊ້ອນແຟງຫຼາຍປັດໄຈບໍ່ສາມາດຄາດຄະເນໄດ້ນັ້ນ, ໄດ້ເປັນສິ່ງພິສູດໃຫ້້ເຫັນຄຸນນະທາດ ແລະ ຄວາມຍອດຍິ່ງຂອງກອງທະຫານໝວກບາເລຟ້າ ຫວຽດນາມ. ທ່ານກໍ່ໄດ້ຮຽກຮ້ອງໃຫ້ກົມກອງຕ້ອງຕັດສິນໃຈປະຕິບັດສຳເລັດພັນທະສາກົນໃຫ້ເປັນຢ່າງດີ.
