ຄະນະຜູ້ແທນພັກກອມມູນິດຫວຽດນາມເຂົ້າຮ່ວມກອງປະຊຸມໃຫຍ່ພັກກຳອຳນາດຢູ່ມາເລເຊຍ

ໃນໄລຍະເຂົ້າຮ່ວມກອງປະຊຸມໃຫຍ່ UMNO, ຄະນະຜູ້ແທນພັກກອມມູນິດຫວຽດນາມ ໄດ້ເຂົ້າຢ້ຽມຂ່ຳນັບທ່ານນາຍົກລັດຖະມົນຕີ Najib Razak ແລະ ພົບປະເຈລະຈາກັບທ່ານເລຂາທິການໃຫຍ່ພັກ UMNO, Tengku Adnan Tengku Mansor. ການນຳພັກ UMNO ໄດ້ຕີລາຄາສູງການພົວພັນມິດຕະພາບ ແລະ ການຮ່ວມມືລະຫວ່າງ 2 ພັກ 2 ລັດ ແລະ ສະແດງຄວາມປາດຖະໜາຢາກເພີ່ມທະວີການພົວພັນລະຫວ່າງ 2 ພັກ ແລະ ປະຊາຊົນ 2 ປະເທດກວ່າອີກ, ປະກອບສ່ວນປັບປຸງ ແລະ ພັດທະນາການພົວພັນຫຼາຍດ້ານລະຫວ່າງຫວຽດນາມ ແລະ ມາເລເຊຍ.

ທ່ານ ຫງວຽນວັນຮຸ່ງ ປາດຖະໜາວ່າ, ການພົວພັນລະຫວ່າງ 2 ພັກ, 2 ລັດ ນັບມື້ນັບພັດທະນາອັນດີງາມ, ເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.