ກ່າວຄຳເຫັນທີ່ຫ້ອງຮູບໄຂ່, ທ່ານ Donald Trump ປະທານາທິບໍດີ ອາເມລິກາ ຢັ້ງຢືນວ່າ ສອງຝ່າຍຫາກໍ່ບັນລຸໄດ້ບັນດາຄວາມຄືບໜ້າສຳຄັນໃນການເຈລະຈາ ແລະ ບັນດາມາດຕາພື້ນຖານຂອງຂໍ້ຕົກລົງໄດ້ຮັບຄວາມເຫັນດີເປັນເອກະພາບ. ທ່ານປະທານາທິບໍດີ ອາເມລິກາ ກໍ່ໃຫ້ຮູ້ວ່າ ບັນດາການເຈລະຈາໄດ້ຍື່ນສະເໜີຕໍ່ການນຳຂັ້ນສູງສຸດຂອງ ອີຣານ ແລະ ເຊື່ອໝັ້ນວ່າ ທ່ານ Ayatollah Mojtaba Khamenei ການນຳສູງສຸດ ອີຣານ ຈະຍອມຮັບກ່ຽວກັບດ້ານການເມືອງສຳລັບຂໍ້ຕົກລົງສະບັບນີ້. ຕາມທ່ານປະທານາທິບໍດີ ອາເມລິກາ ແລ້ວ, ປັດຈຸບັນ ເອກະສານສະບັບນີ້ແມ່ນບົດບັນທຶກຊ່ວຍຈຳວ່າດ້ວຍການຮ່ວມມືຢ່າງແຮງທີ່ສຸດ ແລະ ອາດສາມາດໄດ້ເຮັດສຳເລັດໃນຊຸມວັນຈະມາເຖິງ ຖ້າບັນດາຝ່າຍເຫັນດີເປັນເອກະພາບຕໍ່ບັນດາຂໍ້ມູນລາຍລະອຽດສຸດທ້າຍ.
ກົງກັນຂ້າມ, ທ່ານ Esmaeil Baqaei ໂຄສົກກະຊວງການຕ່າງປະເທດ ອີຣານ ໄດ້ປະກາດປະຕິເສດການບັນລຸໄດ້ຂໍ້ຕົກລົງສະບັບໃໝ່ກັບ ອາເມລິກາ. ທ່ານ Baqaei ຢັ້ງຢືນວ່າ ມີຫຼາຍເນື້ອໃນໃນການເຈລະຈາໄດ້ເຫັນດີເປັນເອກະພາບແລ້ວ ແຕ່ຂໍ້ຕົກລົງສະບັບສຸດທ້າຍຍັງບໍ່ທັນໄດ້ຮັບຄວາມເຫັນດີເປັນເອກະພາບ.
