|
(ພາບປະກອບ: AFP/TTXVN) |
ນີ້ແມ່ນການພົບປະຂັ້ນສູງທຳອິດລະຫວ່າງ 2 ປະເທດໃນຮອບເວລາເກືອບ 1 ປີຜ່ານມາ, ພາຍຫຼັງເກີດເຫດວາງຢາເບື່ອນັກສືບຊາວລັດເຊຍ Sergei Skripal ເມື່ອເດືອນມີນາ 2018 ຢູ່ນະຄອນ Salisbury ຂອງອັງກິດ, ເຮັດໃຫ້ການພົວພັນລະຫວ່າງ 2 ປະເທດຖືກຢຸດຕິ. ແຈ້ງການຂອງຫ້ອງວ່າການກະຊວງການຕ່າງປະເທດອັງກິດ ໃຫ້ຮູ້ວ່າ, ທີ່ການພົບປະ, ທ່ານ Alan Ducan ເນັ້ນໜັກວ່າ, ຍັງມີຄວາມແຕກຕ່າງກັນຫຼາຍຢ່າງລະຫວ່າງ 2 ປະເທດ ແລະ ຝ່າຍລັດເຊຍ ຄວນເລືອກທາງໄປອື່ນ ແລະ ມີການກະທຳຄືດັ່ງຄູ່ຮ່ວມມືມີຄວາມຮັບຜິດຂອບ ກ່ອນທີ່ມີການປ່ຽນແປງໃນການພົວພັນລະຫວ່າງອັງກິດ ແລະ ລັດເຊຍ. ທ່ານ Alan Ducan ຢືນຢັນວ່າ, ອັງກິດ ບໍ່ມີແນວຄິດຕາຍຕົວຕໍ່ລັດເຊຍ ແລະ ລອນດອນ ຈະສືບຕໍ່ສ້າງ ແລະ ປັບປຸງການພົວພັນດ້ານວັດທະນະທຳ ແລະ ພົບປະແລກປ່ຽນປະຊາຊົນກັບລັດເຊຍ.
