ກ່າວຄຳເຫັນທີ່ກອງປະຊຸມຖະແຫຼງຂ່າວ, ທ່ານ ຫງວຽນມິງຈຽດ ເລຂາຜູ້ປະຈຳການສູນກາງຄະນະຊາວໜຸ່ມ, ປະທານສະມາຄົມນັກສຶກສາ ຫວຽດນາມ ເນັ້ນໜັກວ່າ ກອງປະຊຸມໃຫຍ່ຜູ້ແທນທົ່ວປະເທດຄະນະຊາວໜຸ່ມກອມມູນິດ ໂຮ່ຈີມິນຄັ້ງທີ XIII ແມ່ນເຫດການເມືອງສຳຄັນຂອງອົງການຊາວໜຸ່ມ, ວັນບຸນໃຫຍ່ຂອງໄວໜຸ່ມທົ່ວປະເທດ. ກອງປະຊຸມຈະສຸມໃສ່ປະຕິບັດບັນດາເນື້ອໃນຈຸດສຸມລວມມີ: ສະຫຼຸບ, ຕີລາຄາວຽກງານຄະນະຊາວໜຸ່ມ ແລະ ຂະບວນການຊາວໜຸ່ມ, ເຍົາວະຊົນ, ອະນຸຊົນອາຍຸການ 2022 – 2026, ກົດນົດເປົ້າໝາຍ, ໜ້າທີ່, ວິທີການການປະຕິບັດວຽກງານຊາວໜຸ່ມ ແລະ ຂະບວນການ ຊາວໜຸ່ມ, ເຍົາວະຊົນ, ອະນຸຊົນອາຍຸການ 2026 – 2031, ປຶກສາຫາລື, ຕັດສິນໃຈປັບປຸງ, ເພີ່ມເພີ່ມກົດລະບຽບຄະນະຊາວໜຸ່ມກອມມູນິດ ໂຮ່ຈີມິນ, ເລືອກຕັ້ງຄະນະບໍລິຫານສູນກາງຄະນະຊາວໜຸ່ມຊຸດທີ XIII. ກອງປະຊຸມໃຫຍ່ຈະດຳເນີນໃນສອງວັນແຕ່ວັນທີ 24 – 25 ມິຖຸນາຢູ່ຮ່າໂນ້ຍ.
ເຂົ້າຮ່ວມກອງປະຊຸມໃຫຍ່ມີຜູ້ແທນທາງການ 786 ຄົນ ເຊິ່ງເປັນຜູ້ຕາງໜ້າໃຫ້ແກ່ສະມາຊິກຄະນະຊາວໜຸ່ມ, ໄວໜຸ່ມ ຫວຽດນາມ 21,6 ລ້ານຄົນທັງຢູ່ພາຍໃນ ແລະ ຕ່າງປະເທດ, ໃນນັ້ນມີ ຜູ້ແທນ 144 ຄົນເປັນຊາວຊົນເຜົ່າສ່ວນໜ້ອຍ ແລະ 2 ຄົນຕາງໜ້າຊາວຫວຽດນາມ ອາໄສຢູ່ຕ່າງປະເທດ.
