 ກອງປະຊຸມທາງອອນລາຍຄັ້ງທີ 63 ຂອງກຸ່ມຮັບຜິດຊອບສະເພາະຂໍ້ລິເລີ່ມເຊື່ອມຕໍ່ ອາຊຽນ |
ວັນທີ 25 ມີນາ 2021 ໄດ້ດຳເນີນກອງປະຊຸມຄັ້ງທີ 63 ຂອງກຸ່ມຮັບຜິດຊອບສະເພາະຂໍ້ລິເລີ່ມເຊື່ອມຕໍ່ອາຊຽນ (IAI) ຕາມຮູບການທາງອອນລາຍ. ທ່ານເອກອັກຄະລັດຖະທູດ ຫງວຽນຫ໋າຍບັ່ງ, ຫົວໜ້າຄະນະຜູ້ແທນ ຫວຽດນາມ ປະຈຳ ອາຊຽນ ໄດ້ນຳໜ້າຄະນະຜູ້ແທນ ຫວຽດນາມ ເປັນປະທານກອງປະຊຸມໃນຖານະເປັນປະທານກຸ່ມຮັບຜິດຊອບ IAI ປີ 2021.
ກອງປະຊຸມຄັ້ງທີ 63 ຂອງກຸ່ມຮັບຜິດຊອບສະເພາະ IAI ເພື່ອແນໃສ່ສຳຫຼວດກວດກາສະພາບການຜັນຂະຫຍາຍບັນດາໂຄງການໃນ IAI, ແລະ ສະເໜີບັນດາມາດຕະການເພື່ອຍົກສູງປະສິດທິຜົນການປະຕິບັດບັນດາແຜນການວຽກງານ IAI, ໃນນັ້ນມີການປະຕິບັດສຳເລັດແຜນການວຽກງານ IAI ໄລຍະທີ 3 (2016 - 2020) ແລະ ເລີ່ມຜັນຂະຫຍາຍແຜນການ ວຽກງານ IAI ໄລຍະທີ 4 (2021 - 2025) ເຊິ່ງຫາກໍ່ໄດ້ຮັບຮອງເອົາໃນທ້າຍປີ 2020.
ໃນໄລຍະຈະມາເຖິງ, ກຸ່ມຮັບຜິດຊອບສະເພາະ IAI ໄດ້ເຫັນດີເປັນເອກະພາບ ສືບຕໍ່ຍູ້ແຮງການຜັນຂະຫຍາຍໄລຍະທີ 2 ຂອງໂຄງການໜູນຊ່ວຍການຜັນຂະຫຍາຍແຜນການປະຕິບັດວຽກງານ IAI ໄລຍະທີ 4.
ເຮືອງຈາ, ນັກຂ່າວ VOV ປະຈຳ ອິນໂດເນເຊຍ
