ການປະເມີນລາຄາພວມຢືນຢູ່ຕໍ່ໜ້າຄຳຮຽກຮ້ອງຂຸດຄົ້ນຢ່າງມີປະສິດທິຜົນກ່ວາກ່ຽວກັບ ບັນດາແຫຼ່ງຂໍ້ມູນໃໝ່, ການຫມູນໃຊ້ເຕັກໂນໂລຊີ ຍົກສູງຄວາມສາມາດວິເຄາະ, ພັດທະນາບັນດາວິທີທີ່ເໝາະສົມ ເພື່ອຮັບຮູ້ ແລະ ຫັນບັນດາປັດໄຈໃໝ່ທີ່ກະທົບເຖິງມູນຄ່າຊັບສິນເປັນປະລິມານ. ນັ້ນແມ່ນເນື້ອໃນສຳຄັນໄດ້ຍົກອອກມາ ທີ່ ກອງປະຊຸມປະຈຳປີສະມາຄົມຜູ້ປະເມີນລາຄາ ອາຊຽນ ຄັ້ງທີ 28 (AVA28), ດ້ວຍຫົວຂໍ້ “ສະສົມການຫັນເປັນດີຈີຕອນ ແລະ ປະເມີນລາຄາແບບຍືນຍົງ” ຊື່ງໄດ້ຈັດຂຶ້ນໃນວັນທີ 1 ຕຸລາຢູ່ນະຄອນ ດ່ານັງ ໂດຍກະຊວງການເງິນ ຫວຽດນາມ ເປັນເຈົ້າພາບ.
ກ່າວຄຳເຫັນທີ່ກອງປະຊຸມ, ທ່ານ ຫງວຽນມິນຕຽນ ປະທານ ສະມາຄົມຜູ້ປະເມີນລາຄາ ອາຊຽນ ອາຍຸການ 2025-2026 ເນັ້ນໜັກວ່າ:
ໃນຖານະເປັນປະເທດເຈົ້າພາບ ແລະ ປະທານ AVA ອາຍຸການ 2025-2026, ຫວຽດນາມ ປາດຖະໜາ ຢາກປະກອບສ່ວນຢ່າງຕັ້ງໜ້າ ເຂົ້າໃນການເຄື່ອນໄຫວຂອງສະມາຄົມ, ເພີ່ມທະວີການແບ່ງປັນບົດຮຽນປະສົບການ ແລະ ການຮ່ວມມືວິຊາສະເພາະກັບບັນດາສະມາຊິກ, ພອ້ມກັນຊຸກຍູ້ການພັດທະນາທີ່ເປັນມືອາຊີບ ແລະ ຍືນຍົງຂອງຂົງເຂດປະເມີນລາຄາໃນ ອາຊຽນ.
