ຮຸ່ງເຊົ້າວັນທີ 10 ມິຖຸນາ ຕາມເວລາ ອີຣານ, ກອງທັບ ອາເມລິກາ ໄດ້ດຳເນີນບັນດາບັ້ນບຸກໂຈມຕີ ແນໃສ່ ອີຣານ ດ້ວຍສາເຫດໂຕ້ຕອບຄືນເລື່ອງ ເຕເຮຣານ ຍິງເຮືອບິນແຮລີກອັບເຕທີ່ບຸກໂຈມຕີ Apache ຂອງທະຫານບົກ ອາເມລິກາ ຕົກກ່ອນນັ້ນໜຶ່ງວັນ ຢູ່ເຂດນ່ານຟ້າຊ່ອງແຄບທະເລ Hormuz. ກອງບັນຊາການສູນກາງ ອາເມລິກາ (CENTCOM) ຢັ້ງຢືນໃນສື່ສັງຄົມອອນໄລ X ວ່າ ບັນດາກຳລັງ ອາເມລິກາ ໄດ້ເລີ່ມດຳເນີນການບຸກໂຈມຕີປ້ອງກັນຕົວເລັ່ງໃສ່ ອີຣານ.
ສຳນັກຂ່າວສານ Axios ໄດ້ຄັດສະເໜີຄຳເຫັນຂອງເຈົ້າໜ້າທີ່ ອາເມລິກາ ທ່ານໜຶ່ງ ໂດຍໃຫ້ຮູ້ວ່າ ບັ້ນບຸກໂຈມຕີຄັ້ງຕ່າງໆຂອງ ວໍຊິງຕັນ ເລັ່ງໃສ່ບັນດາລະບົບ Radar ແລະ ປ້ອງກັນອາກາດຂອງ ອີຣານ ຢູ່ເຂດອ້ອມແອ້ມຊ່ອງແຄບທະເລ Hormuz ແນໃສ່ເຮັດໃຫ້ກຳລັງຕິດຕາມກວດກາດ ແລະ ປ້ອງກັນຕົວຂອງ ເຕເຮຣານ ຢູ່ເສັ້ນທາງທະເລຍຸດທະສາດນີ້ຫຼຸດລົງ.
