 ສຳນັກວາຕິກັງ (ພາບ:CNN) |
ທີ່ກອງປະຊຸມ, 2 ຝ່າຍໄດ້ແລກປ່ຽນກ່ຽວກັບການພົວພັນລະຫວ່າງ ຫວຽດນາມ ແລະ ວາຕິກັງ ຢ່າງເລິກເຊິ່ງກ້ວາງຂວາງ, ໃນນັ້ນ ມີບັນດາບັນຫາທີ່ກ່ຽວຂ້ອງເຖິງສະມາຄົມສາສະໜາກາໂຕລິກ ຫວຽດນາມ. 2 ຝ່າຍໄດ້ຕີລາຄາການພົວພັນ ຫວຽດນາມ ແລະ ວາຕິກັງ ໃນໄລຍະຜ່ານມາ ສືບຕໍ່ມີບັນດາບາດກ້າວພັດທະນາຢ່າງຕັ້ງໜ້າ. 2 ຝ່າຍໄດ້ປຶກສາຫາລືບັນດາບັນຫາທີ່ກ່ຽວຂ້ອງເຖິງການເຄື່ອນໄຫວຢູ່ບັນດາເຂດຊາວຄຼິດ, ເຫັນດີເປັນເອກະພາບຕໍ່ບັນດາມາດຕະການ ເພື່ອແນໃສ່ຊຸກຍູ້ການພົວພັນລະຫວ່າງ ຫວຽດນາມ ແລະ ວາຕິກັງ ໃນໄລຍະຈະມາເຖິງ. 2 ຝ່າຍກໍ່ຊິີ້ແຈ້ງວ່າ ຈະສືບຕໍ່ຈິດໃຈພົບປະເຈລະຈາບົນພື້ນຖານເຄົາລົບບັນດາຫຼັກການພົວພັນທີ່ໄດ້ເຫັນດີເປັນເອກະພາບ, ເນັ້ນໜັກເຖິງຄວາມສຳຄັນຂອງການເພີ່ມທະວີການພົບປະທຸກຂັ້ນ, ເປັນຕົ້ນແມ່ນຂັ້ນສູງລະຫວ່າງ 2 ຝ່າຍໃນໄລຍະຈະມາເຖິງ.
ໃນໄລຍະຢູ່ ວາຕິກັງ, ຄະນະຜູ້ແທນ ຫວຽດນາມ ໄດ້ເຂົ້າຢ້ຽມຂ່ຳນັບສັນທະປະປາ Francis, ນາຍົກລັດຖະມົນຕີສຳນັກ ວາຕິກັງ Pietro Parolin ແລະ ທ່ານລັດຖະມົນຕີການຕ່າງປະເທດ Paul Gallagher ຕາມພິທີການທູດ.
