ຕອນເຊົ້າວັນທີ 23 ກໍລະກົດ, ຢູ່ ຮ່າໂນ້ຍ, ຜູ້ມີຄຸນງາມຄວາມດີກວ່າ 300 ຄົນໄດ້ເຂົ້າຮ່ວມກອງປະຊຸມຕອບບຸນແທນຄຸນຜູ້ມີຄຸນງານຄວາມດີຕໍ່ການປະຕິວັດທົ່ວປະເທດປີ 2026. ເຫດການໂດຍກະຊວງພາຍໃນ ສົມທົບກັບກະຊວງປ້ອງກັນປະເທດ, ກະຊວງຕຳຫຼວດ, ໜັງສືພິມປະຊາຊົນ, ສະຖານີໂທລະພາບ ຫວຽດນາມ, ຄະນະກຳມະການປະຊາຊົນນະຄອນ ຮ່າໂນ້ຍ ຈັດຂຶ້ນ. ນີ້ແມ່ນໜຶ່ງໃນບັນດາການເຄື່ອນໄຫວຈຸດສຸມ ເນື່ອງໃນໂອກາດວັນຈາລຶກ 79 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ (27 ກໍລະກົດ 1947 – 27 ກໍລະກົດ 2026), ແລະ ກໍ່ແມ່ນປີທີ 3 ຢ່າງລຽນຕິດທີ່ເຫດການໄດ້ຈັດຂຶ້ນຢູ່ ຮ່າໂນ້ຍ.
“ຂ້າພະເຈົ້າແມ່ນ ຫງວຽນທິບາ ຢູ່ ບິ່ງທ້ວນ (ປະຈຸບັນແມ່ນ ເລິມດົ່ງ). ເຮືອນຂອງຂ້າພະເຈົ້າເປັນຄອບຄົວມີແມ່ ຫວຽດນາມ ວິລະຊົນ ແລະ ພໍ່, ແມ່ຂອງຂ້າພະເຈົ້າແມ່ນນັກຮົບເສຍສະຫຼະຊີວິດເພື່ອຊາດ. ຂ້າພະເຈົ້າເອງແມ່ນທະຫານເສຍອົງຄະ, ຕິດແປດທາດພິດສີສົ້ມ. ຂ້າພະເຈົ້າມີຄວາມເປັນກຽດທີ່ໄດ້ໄປນະຄອນຫຼວງ ຮ່າໂນ້ຍ ເພື່ອເຂົ້າຮ່ວມພິທີຈາລຶກ 79 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ”.
“ຂ້າພະເຈົ້າແມ່ນ ຟ້າມກົງຕຽນ, ບ້ານເກີດຢູ່ແຂວງ ຮຶງອຽນ. ຂ້າພະເຈົ້າແມ່ນທະຫານເຈັບປ່ວຍ ¾. ເຂົ້າຮ່ວມກອງປະຊຸມຕອບບຸນແທນຄຸນບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີທົ່ວປະເທດໃນມື້ນີ້, ພວກຂ້າພະເຈົ້າມີຄວາມປິຕິຊົມຊື່ນທີ່ສຸດ ແລະ ເຊື່ອໝັ້ນວ່າ ລຸ້ນປະຈຸບັນ ແລະ ອະນາຄົດ ຈະພັດທະນາປະເທດຊາດໃຫ້ນັບມື້ນັບຮັ່ງມີ, ສວຍງາມ”.
ແລະກໍ່ເນື່ອງໃນໂອກາດນີ້, ຢູ່ນະຄອນ ໂຮ່ຈີມິນ, ກົມຟິມຮູບເງົາ (ກະຊວງວັດທະນະທຳ, ກິລາ ແລະ ທ່ອງທ່ຽວ) ໄດ້ສົມທົບກັບພະແນກວັດທະນະທຳ ແລະ ກິລານະຄອນ ຈັດພິທີໄຂສັບປະດາຈາລຶກ 79 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ທາງພາກໃຕ້ ຫວຽດນາມ.
