 ທ່ານປະທານາທິບໍດີ ອາເມລິກາ Joe Biden(ພາບ: Getty)
|
ວັນທີ 17 ມິຖຸນາ, ທ່ານປະທານາທິບໍດີ ອາເມລິກາ Joe Biden ເປັນປະທານກອງປະຊຸມຂັ້ນສູງແບບທາງໄກເວທີປາໄສບັນດາພື້ນຖານເສດຖະກິດໃຫຍ່ກ່ຽວກັບພະລັງງານ ແລະ ດິນຟ້າອາກາດ (MEF). ນີ້ແມ່ນຄັ້ງທີ 3 ທີ່ທ່ານປະທານາທິບໍດີ Joe Biden ເປັນປະທານເວທີປາໄສນີ້ ນັບແຕ່ດຳລົງຕຳແໜ່ງມາຕົ້ນປີກາຍ.
ກອງປະຊຸມແມ່ນຄວາມມານະພະຍາຍາມຕໍ່ໄປຂອງ ອາເມລິກາ ໃນການນຳໃຊ້ເຄື່ອງມືທັງໝົດເພື່ອຮັບມືກັບວິກິດການ ການປ່ຽນແປງຂອງດິນຟ້າອາກາດ, ແກ້ໄຂຢ່າງຮີບດ່ວນກ່ຽວກັບລາຄາພະລັງງານເພີ່ມຂຶ້ນຢ່າງແຮງໃນທົ່ວໂລກ ທີ່ເລີ່ມມາຈາກການປະທະກັນລະຫວ່າງ ລັດເຊຍ - ຢູແກຼນ. ກອງປະຊຸມກໍ່ເພື່ອແນໃສ່ຊຸກຍູ້ໃຫ້ ອາເມລິກາ ແລະ ບັນດາສຳພັນທະມິດ, ຄູ່ຮ່ວມມືມຸ່ງໄປເຖິງການຮັບປະກັນຄວາມປອດໄພດ້ານສະບຽງອາຫານ ແລະ ພະລັງງານຢ່າງຍາວນານ.
ໃນກອງປະຊຸມປີນີ້, ບັນຫາພະລັງງານຈະໄດ້ເຕື້ອງເຖິງຫຼາຍກວ່າ ເມື່ອລາຄາພະລັງງານໃນທົ່ວໂລກເພີ່ມຂຶ້ນຢ່າງກະທັນຫັນສູງທີ່ສຸດໃນຮອບເວລາຫຼາຍ 10 ປີຜ່ານມາ ໄດ້ເຮັດໃຫ້ເກີດໄພເງິນເຟີ້ ແລະ ຜະລິດຕະພັນປະເທດເຄື່ອງໃສ້ຊອຍຂຶ້ນລາຄາ.
