|
|
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີເນັ້ນໜັກເຖິງໝາກຜົນຕັ້ງໜ້າຂອງສະພາບການເສດຖະກິດ, ສັງຄົມໃນປີຜ່ານມາ ໂດຍມີການປະກອບສ່ວນສຳຄັນຂອງກະຊວງແຮງງານ, ທະຫານເສຍອົງຄະ ແລະ ສັງຄົມ.
ທ່ານນາຍົກລັດຖະມົນຕີເນັ້ນໜັກວ່າ, ປີ 2018 ແມ່ນປິບານພັບສຳຄັນ, ກະຊວງແຮງງານ, ທະຫານເສຍອົງຄະ ແລະ ສັງຄົມ ຕ້ອງປະຕິບັດ 11 ໜ້າທີ່ເຊິ່ງກະຊວງໄດ້ມອບໝາຍ ໃນມະຕິ 01/2018 ຂອງລັດຖະບານຢ່າງຄົບຊຸດ, ຂ້ຽວຂາດ. ໃນນັ້ນ, ຕ້ອງສຸມໃສ່ສ້າງສຳເລັດກົນໄກ, ນະໂຍບາຍ, ກົດໝາຍ, ຮີບເຮັ່ງສ້າງແຜນການປະຕິຮູບນະໂຍບາຍເງິນເດືອນ, ແຜນການປະຕິຮູບການປະກັນສັງຄົມ… ກະຊວງຕ້ອງສ້າງສຳເລັດ ແລະ ປະຕິບັດຢ່າງມີປະສິດທິຜົນບັນດານະໂຍບາຍ, ໂຄງການ, ແຜນການໜູນຊ່ວຍການພັດທະນາບຳລຸງສ້າງວິຊາຊິບ, ພິເສດແມ່ນສອນວິຊາຊິບໃຫ້ຊາວກະສິກອນ, ຢູ່ເຂດປະສົບກັບຄວາມຫຍຸ້ງຍາກ ແລະ ບັນດາເປົ້າໝາຍນະໂຍບາຍ. ທ່ານນາຍົກລັດຖະມົນຕີ ຫງວຽນຊວນຟຸກ, ກ່າວວ່າ.
“ສົ່ງເສີມບັນດາອົງການຈັດຕັ້ງ, ສ່ວນບຸກຄົນລົງທຶນພັດທະນາລະບົບຮາກຖານພາລະກິດ, ພິເສດແມ່ນຮາກຖານການສຶກສາວິຊາຊິບ, ຮາກຖານລ້ຽງດູ, ແບ່ງແຍງເປົ້າໝາຍອຸປະກະລະສັງຄົມ; ຜັນຂະຫຍາຍການປະຕິບັດຄວາມເປັນເຈົ້າການສຳລັບບັນດາຮາກຖານພາລະກິດພາກລັດ, ທົດລອງຫັນບາງຫົວໜ່ວຍພາລະກິດພາກລັດຂຶ້ນກັບຂະແໜງເປັນຮຸ້ນສ່ວນ. ນີ້ແມ່ນບັນຫາໃໝ່ ແລະ ໃຫຍ່ ເພື່ອຮຽກຮ້ອງທຶນສັງຄົມ”.
