|
(ພາບ: AFP/TTXVN ) |
ພາຍໃຕ້ການເປັນປະທານຂອງທ່ານປະທານາທິບໍດີປະເທດເຈົ້າພາບ Recep Tayyip Erdogan, ພ້ອມດ້ວຍການເຂົ້າຮ່ວມຂອງຄູ່ຕຳແໜ່ງລັດເຊຍ Vladimir Putin ແລະ ທ່ານປະທານາທິບໍດີ ອີຣານ Hassan Rouhani. ເປົ້າໝາຍຂອງກອງປະຊຸມຄັ້ງນີ້ ແມ່ນແນໃສ່ຊອກຫາມາດຕະການດ້ານການເມືອງໃຫ້ແກ່ການປະທະກັນທີ່ແກ່ຍາວເປັນເວລາກ່ວາ 7 ປີຜ່ານມາຢູ່ ຊີຣີ. ນີ້ແມ່ນກອງປະຊຸມ 3 ຝ່າຍຄັ້ງທີ 2 ທີ່ປຶກສາຫາລືກ່ຽວກັບສະພາບການຢູ່ ຊີຣີ ພາຍຫລັງກອງປະຊຸມຄັ້ງທຳອິດທີ່ດຳເນີນຢູ່ Sochi ປະເທດລັດເຊຍ ເມື່ອເດືອນ ພະຈິກ 2017.
ຖະແຫຼງການຮ່ວມໄດ້ຍົກອອກມາພາຍຫລັງກອງປະຊຸມ, ລັດເຊຍ, ຕວກກີ ແລະ ອີຣານ ໄດ້ໃຫ້ຄຳໝັ້ນສັນຍາວ່າ ຈະບັນລຸຄຳສັ່ງຢຸດຍິງໄລຍະຍາວຢູ່ປະເທດຕາເວັນອອກກາງນີ້ໂດຍໄວ.
ຕາມວົງການນັກສັງເກດການໃນພາກພື້ນແລ້ວ, ກອງປະຊຸມຄັ້ງນີ້ ໄດ້ຮັບຖືວ່າ ແມ່ນຮູບແບບໃໝ່ ໃນການເພີ່ມທະວີການຮ່ວມມື. ກອງປະຊຸມມີຄວາມຫວັງວ່າ ຈະຊອກໄດ້ມາດຕະການປອດການທະຫານ ໃຫ້ແກ່ການປະທະກັນທີ່ແກ່ຍາວກ່ວາ 7 ປີຜ່ານມາຢູ່ປະເທດຕາເວັນອອກກາງນີ້, ປະກອບສ່ວນນຳມາເຊິ່ງຄວາມສັນຕິພາບ ແລະ ສະຖຽນລະພາບໃຫ້ ຊີຣີ ເວົ້າສະເພາະ ແລະ ຕາເວັນອອກກາງເວົ້າລວມ.
