ຖະແຫຼງການຂອງກອງປະຊຸມໄດ້ກ່າວປະນາມການຢັ້ງຢືນຂອງ ອາເມລິກາ ສຳລັບອະທິປະໄຕຂອງ ອິດສະລາແອັນ ຢູ່ເຂດພູພຽງ Golan ເຊິ່ງ ອິດສະລາແອັນ ຢຶດຄອງຈາກ ຊີຣີ ໃນສົງຄາມຕາເວັນອອກກາງເມື່ອປີ 1967. ຖະແຫຼງການເນັ້ນໜັກວ່າ ເຂດພູພຽງ Golan ແມ່ນຜືນແຜ່ນດິນຂອງ ຊີຣີ ແລະ ຢືນຢັນວ່າ ໂດຍບໍ່ວ່າປະເທດໃດໆ ເດີນຕາມ ອາເມລິກາ ໃນການຢັ້ງຢືນອະທິປະໄຕຂອງ ອິດສະລາແອັນ ສຳລັບເຂດພູພຽງ Golan. ຖະແຫຼງການເນັ້ນໜັກວ່າ ບັນດາປະເທດ ອາຣັບ ຈະຮຽກຮ້ອງສະພາຄວາມໝັ້ນຄົງສະຫະປະຊາຊາດອອກມະຕິເພື່ອຕ້ານຄືນການຢັ້ງຢືນຂອງ ອາເມລິກາ ສຳລັບ Golan ພ້ອມທັງຢືນຢັນບົດບາດສຳຄັນຂອງບັນດາປະເທດ ອາຣັບ ເພື່ອນຳປະເທດ ຊີຣີ ພົ້ນອອກຈາກວິກິດການໃນປັດຈຸບັນ.
ກ່ຽວກັບບັນຫາ ປາແລັດສະຕິນ, ຖະແຫຼງການກ່າວປະນາມເລື່ອງ ອາເມລິກາ ຮັບຮູ້ Jerusalem ແມ່ນນະຄອນຫລວງຂອງ ອິດສະລາແອັນ ແລະ ປະຕິເສດທຸກການກະທຳພຽງລຳພັງຝ່າຍດຽວຂອງ ອິດສະລາແອັນ ແນໃສ່ເຮັດໃຫ້ຖານະດ້ານນິຕິກຳຂອງ Jerusalem ປ່ຽນແປງໄປ.
