 ທ່ານ ປະທານາທິບໍດີ ອາເມລິກາ Donald Trump |
ປຶກສາຫາລືກ່ຽວກັບບັນດາບັນຫາການປ່ຽນແປງຂອງດິນຟ້າອາກາດ, ການຄ້າ ແລະ ຄົນເຂົ້າເມືອງ ກ່ອນທີ່ດຳເນີນກອງປະຊຸມສຸດຍອດ ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນແຖວຫນ້າ (G20) ຄາດວ່າ ຈະດຳເນີນຢູ່ Hamburg ປະເທດ ເຢຍລະມັນ ໃນວັນທີ 7-8 ກໍລະກົດ.
ຕາມຖະແຫລງການຂອງ ທຳນຽບຂາວ, ນອກຈາກການປຶກສາຫາລືບັນດາບັນຫາໄດ້ຮັບຖືວ່າ ອາດຈະສະແດງໃຫ້ເຫັນຫລາຍຈຸດທີ່ແຕກຕ່າງກັນທີ່ກອງປະຊຸມ G20 ຈະມາເຖິງ, ທ່ານ Donald Trump ແລະ ທ່ານນາງ Angele Merkel ກໍ່ເຕື້ອງເຖິງສະພາບເຫລືອເຟືອໃນການສະຫນອງຜະລິດຕະພັນເຫລັກກ້າ ພວມຍູ້ຕະຫລາດທົ່ວໂລກຕົກເຂົ້າສະພາບການຂາດຄວາມດຸ່ນດ່ຽງ. ນອກນັ້ນ ປະທານາທິບໍດີ Trump ກໍ່ສະແດງຄວາມປາດຖະຫນາຢາກໃຫ້ນາຍົກລັດຖະມົນຕີ ເຢຍລະມັນ ເປັນເຈົ້າພາບກອງປະຊຸມ G20 ປະສົບຜົນສຳເລັດ.
ໃນການໂອ້ລົມທາງໂທລະສັບກັບການນຳ ອີຕາລີ, ທ່ານ Trump ຕີລາຄາສູງຄວາມມານະພະຍາຍາມຂອງທ່ານນາຍົກລັດຖະມົນຕີ Gentiloni ໃນການເປັນເຈົ້າພາບກອງປະຊຸມສຸດຍອດກຸ່ມບັນດາປະເທດ ອຸດສາຫະກຳ ພັດທະນາ ແຖວຫນ້າຂອງໂລກ (G7) ໃນເດືືອນ 5 ກໍຄືໃນການແກ້ໄຂວິກິດການຊາວອົບພະຍົບ.
