 ທ່ານເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ້ງມິງໂຄຍ ແລະ ຄະນະປະຕິບັດງານຂອງສະຖານທູດລົງໄປເຮັດວຽກກັບພະນັກງານໂຄງການ TH Rus (ພາບ: ນັກຂ່າວ VOV ປະຈຳ ລັດເຊຍ) |
ປັດຈຸບັນ, ໂຄງການດັ່ງກ່າວ ພວມເລີ່ມຜັນຂະຫຍາຍໄລຍະທີ 2, ຄາດວ່າ ຈະສຳເລັດໃນເດືອນມິຖຸນາ 2023. ເມື່ອປະຕິບັດສຳເລັດ, ທັງຟາມລ້ຽງງົວພັນນົມຢູ່ເມືອງ Volokalamsk (ມົດສະກູ) ຈະມີງົວລວມທັງໝົດ 6.000 ໂຕ. ໄປຄຽງຄູ່ກັນນັ້ນ, ກຸ່ມບໍລິສັດ TH ກໍພວມຜັນຂະຫຍາຍໂຄງການຢູ່ແຂວງ Kaluga. ເມື່ອທັງສອງໂຄງການດັ່ງກ່າວສຳເລັດ, ປະລິມານນ້ຳນົມທີ່ສະໜອງໃຫ້ແກ່ຕະຫຼາດຈະຫຼາຍກວ່າປັດຈຸບັນທົບຫຼາຍເທົ່າ.
ທ່ານ ເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ້ງມິງໂຄຍ ໄດ້ໄປຢ້ຽມຢາມໂຄງການລົງທຶນຂອງກຸ່ມບໍລິສັດ TH ຢູ່ ມົດສະກູ ໂດຍ ແບ່ງປັນວ່າ:
“ຂ້າພະເຈົ້າເຊື່ອໝັ້ນວ່າ ນີ້ແມ່ນໂຄງການລົງທຶນທີ່ມີປະສິດທິຜົນຫຼາຍ ແລະ ມີລັກສະນະເປັນສັນຍາລັກ ໃນການພົວພັນຮ່ວມມືລະຫວ່າງ ຫວຽດນາມ ແລະ ສະຫະພັນ ລັດເຊຍ. ອາດເວົ້າໄດ້ວ່າ ນີ້ແມ່ນໂຄງການໃຫຍ່ສຸດກ່ຽວກັບຂົງເຂດກະສິກຳຂອງ ຫວຽດນາມ ຢູ່ ຕ່າງປະເທດ ເວົ້າລວມ, ກໍຄື ຢູ່ ສະຫະພັນ ລັດເຊຍ ເວົ້າສະເພາະ.
ແອັງຕູ, ນັກຂ່າວ VOV ປະຈຳ ສະຫະພັນ ລັດເຊຍ
