ແຂວງ ກວາງນິງ ຈະລົງທຶນກໍ່ສ້າງໂຮງຮຽນກິນນອນຊົນເຜົ່າສາມັນຫຼາຍລະດັບ 5 ແຫ່ງຢູ່ບັນດາຕາແສງຊາຍແດນ, ຄື: ບິ່ງລຽວ, ດົ່ງເຕິມ, ແຮ່ງໂມ, ກວາງເຊີນ, ກວາງດຶກ ແລະ ໂຮງຮຽນປະຖົມ ແລະ ມັດທະຍົມຕອນຕົ້ນ ຫາຍເຊີນ (ຕາແສງ ຫາຍເຊີນ).
ເມື່ອກໍ່ສ້າງສຳເລັດ, ໂຮງຮຽນ 6 ແຫ່ງນີ້ຈະຕອບສະໜອງຄວາມຕ້ອງການຮ່ຳຮຽນຂອງນັກຮຽນປະມານ 4.462 ຄົນ, ໃນນັ້ນມີນັກຮຽນກິນນອນ 1.136 ຄົນ ແລະ ນັກຮຽນເຄິ່ງກິນນອນ 3.326 ຄົນ, ດ້ວຍລະບົບຫ້ອງຮຽນ, ຫ້ອງວິຊາສະເພາະ, ຫໍສະໝຸດ, ຫໍພັກ, ເຮືອນຄົວລວມ ແລະ ເຂດກິລາ. ຄວາມຮຽກຮ້ອງຂອງແຂວງ ກວາງນິງ ແມ່ນ ກິດຈະກຳທັງໝົດຕ້ອງໄດ້ກໍ່ສ້າງສຳເລັດກ່ອນວັນທີ 30 ສິງຫາ 2026 ເພື່ອທັນນຳເຂົ້າໃຊ້ການນັບແຕ່ສົກຮຽນ 2026 – 2027 ຢ່າງທັນການ.
ເອື້ອຍ ນົງທິຮ່າ, ພວມລໍຖ້າເວລາລູກຈະໄດ້ເຂົ້າຮຽນຢູ່ໂຮງຮຽນສາມັນ ກິນນອນຊົນເຜົ່າປະຖົມ ແລະ ມັດທະຍົມຕອນຕົ້ນ ເບິ່ງລຽວ ນັບແຕ່ສົກຮຽນຈະມາເຖິງ, ໃຫ້ຮູ້ວ່າ:
“ຄອບຄົວມີຄວາມອຸ່ນອຽນໃຈເມື່ອລູກໄດ້ເຂົ້າມາຮຽນຢູ່ໂຮງຮຽນກິນນອນຊົນເຜົ່າ. ທາງໂຮງຮຽນມີເງື່ອນໄຂຮ່ຳຮຽນ, ກິນຢູ່, ດຳລົງຊີວິດຢ່າງພຽງພໍ ແລະ ຄູອາຈານໄດ້ເອົາໃຈໃສ່ເບິ່ງແຍງດູແລຢ່າງລອບຄອບທີ່ຖ້ວນໃຫ້ພວກລູກ. ພວກຂ້າພະເຈົ້າພວມລໍຄອຍເວລາລູກຂອງຕົນໄດ້ເຂົ້າຮ່ຳຮຽນໃນເງື່ອນໄຂທີ່ດີ, ພັດທະນາຢ່າງຮອບດ້ານ.”
