 (ພາບປະກອບ: TTXVN) |
ໜັງສືພິມກອງທັບປະຊາຊົນ ໄດ້ສົມທົບກັບສະຖານີໂທລະພາບຫວຽດນາມ ແລະ ບັນດາອົງການ, ຫົວໜ່ວຍ ຈັດຕັ້ງລາຍການສະແດງສິລະປະ “ຄວາມໄວ້ເນື້ອເຊື່ອໃຈຕໍ່ພັກ” ຄັ້ງທີ 3. ເຂົ້າຮ່ວມລາຍການມີທ່ານນາງຫົວໜ້າຄະນະຂົນຂວາຍປະຊາຊົນສູນກາງ ເຈືອງທິມາຍ ພ້ອມກັບບັນດາການນຳ, ອະດີດການນຳບັນດາກະຊວງ, ຄະນະ, ຂະແໜງການສູນກາງ.
ທີ່ລາຍການ, ນອກຈາກໄດ້ຮັບຟັງບັນດາບົດເພງອະມະຕະທີ່ຍ້ອງຍໍສັນລະເສີນພັກ, ຍ້ອງຍໍລະດູບານໃໝ່ແລ້ວ. ຄະນະຈັດຕັ້ງຍັງໄດ້ຈັດການເຄື່ອນໄຫວຕອບບຸນແທນຄຸນບາງຢ່າງຄື: ຮຽກຮ້ອງບັນດາຜູ້ມີໃຈບຸນໃຈກຸສົນສ້າງໂຮງຮຽນອະນຸບານແຫ່ງໜຶ່ງຢູ່ຕາແສງ ກວາງຈ້ອງ, ເມືອງແທັກອານ, ແຂວງ ກາວບັ່ງ; ມອບຂອງຂວັນ 1.600 ພູດ ໃຫ້ບັນດາຄອບຄົວນະໂຍບາຍ, ຄອບຄົວທຸກຍາກໃນບໍລິເວນແຂວງແທງຮ໋ວາ.
