ວັນທີ 18 ກັນຍາ, ຜູ້ມີສິດເລືອກຕັ້ງ ລັດເຊຍ ໄດ້ເລີ່ມໄປປ່ອນບັດ ເລືອກຕັ້ງສະມາຊິກ Duma ແຫ່ງຊາດ (ສະພາຕ່ຳ) ຊຸດທີ 9. ໂດຍໄດ້ດຳເນີນແຕ່ວັນທີ 18-20 ກັນຍາ, ການເລືອກຕັ້ງທີ່ມີຂອບຂະໜາດໃຫ່ຍຈາກຂັ້ນສະພັນຮອດຂັ້ນທ້ອງຖິ່ນ ຊື່ງຖືກຖືວ່າແມ່ນເຫດການການເມືອງສຳຄັນທີ່ສຸດຂອງ ລັດເຊຍ ໃນປີ 2026.
ມີຜູ້ແທນສະມາຊິກ Duma ແຫ່ງຊາດ ລັດເຊຍ 450 ທ່ານຈະຖືກເລືອກຕັ້ງໃນການເລືອກຕັ້ງຄັ້ງນີ້. ໃນຈຸດເວລາດຽວກັນ, ມີກ່ວາ 2200 ການເລືອກຕັ້ງໃນທ້ອງຖິ່ນກໍ່ໄດ້ຖືກຈັດຂຶ້ນໃນທົ່ວປະເທດ ລັດເຊຍ. ຢູ່ສະຖານທີ່ເລືອກຕັ້ງເລກທີ 2445 ທີ່ແຂວງ Nizhny Novgorod, ຜູ້ມີສິດເລືອກຕັ້ງໄດ້ມີໜ້ານັບແຕ່ເຊົ້າ. ທ່ານ ນາງ Natalia Petrova, ເຮັດວຽກໃນຂະແໜງການສຶກສາ ຫວັງວ່າ, ຜູ້ໄດ້ຮັບການເລືອກຕັ້ງ ຈະມີຄວາມສາມາດ ແລະ ບົດຮຽນປະສົບການຢ່າງພຽງພໍ:
ກ່ອນອື່ນໝົດ, ບັນດາສະມາຊິກສະພາຕ່ຳຕ້ອງຄິດເຖິງຜົນປະໂຫຍດຂອງຊາດ. ພວກຂ້າພະເຈົ້າຫວັງວ່າ ບັນດາຜູ້ມີຄວາມສາມາດ, ມີຄວາມຮູ້ດ້ານວິຊາສະເພາະ ແລະ ບົດຮຽນໃນການຄຸມຄອງ ຈະໄດ້ຮັບການຄັດເລືອກ. ຂ້າພະເຈົ້າລໍຄອຍບັນດາການຫັນປ່ຽນທີ່ຕັ້ງໜ້າໃນຂົງເຂດການສຶກສາ.
