 ທ່ານນາງໂຄສົກກະຊວງການຕ່າງປະເທດ ລັດເຊຍ Maria Zakharova (ພາບ: Russia Insider) |
ຕາມທ່ານນາງ Zakharova ແລ້ວ, ເຫດຜົນທີ່ພາໄປເຖິງ ເຕເຮຣານ ມີບັນດາການກະທຳດັ່ງກ່າວ ແມ່ນຍ້ອນຂາດໝາກຜົນຕົວຈິງ, ລະອຽດແມ່ນຄວາມມານະພະຍາຍາມຟື້ນຟູການປະຕິບັດ ຂໍ້ຕົກລົງ JCPOA ຢ່າງຄົບຖ້ວນ. ພ້ອມດຽວກັນນັ້ນ, ບັນດາມາດຕະການລົງໂທດຕາມລຳພັງຝ່າຍດຽວຂອງ ອາເມລິກາ ຕ້ານຄືນ ອີຣານ ແລະ ບັນດາປະເທດທີສາມທີ່ຮ່ວມມືກັບປະເທດນີ້ ຍັງສືບຕໍ່ມີຜົນສັກສິດຢູ່. ມົດສະກູ ກໍມີຄວາມວິຕົກກັງວົນວ່າ ສະພາບການດັ່ງກ່າວພວມເຮັດໃຫ້ບັນດາຝ່າຍເຂົ້າຮ່ວມຂໍ້ຕົກລົງນີ້ ຫ່າງໄກເປົ້າໝາຍ ແລະ ໜ້າທີ່ ແມ່ນນັບມື້ນັບຫຍຸ້ງຍາກກວ່າ.
ທ່ານນາງ Maria Zakharova ຖືວ່າ ວິທີໜຶ່ງດຽວເພື່ອຫຼຸດພົ້ນອອກຈາກສະພາບການນີ້ແມ່ນ ເຊື່ອມຕໍ່ການດຳເນີນການເຈລະຈາໃນໄລຍະໄວທີ່ສຸດ ເພື່ອກອບກູ້ JCPOA, ພ້ອມທັງຮຽກຮ້ອງໃຫ້ບັນດາຄູ່ຮ່ວມມືໃນຂໍ້ຕົກລົງນິວເຄຼຽ ແລະ ອາເມລິກາ ຄວນຍົກເລີກບາດກ້າວເດີນຢ່າງຟ້າວຟັ່ງ ເຊິ່ງອາດຈະກໍ່ສິ່ງກີດຂວາງໃໝ່.
