(ພາບ: REUTERS/Pavel Klimov)
ວັນທີ 22 ພຶດສະພາ, ລັດເຊຍ ສະເໜີສະພາຄວາມໝັ້ນຄົງສະຫະປະຊາຊາດ ຈັດກອງປະຊຸມດ່ວນພາຍຫຼັງເຫດບຸກໂຈມຕີດ້ວຍເຮືອບິນບໍ່ມີຄົນຂັບ (UAV) ແນໃສ່ວິທະຍາໄລ ແລະ ເຂດຫໍພັກຂອງນັກສຶກສາຢູ່ນະຄອນ Starobelsk, ຂຶ້ນກັບສາທາລະນະລັດປະຊາຊົນ Lugansk (LPR) ອ້າງຊື່ເອງ, ເຮັດໃຫ້ນັບສິບໆຄົນເສຍຊີວິດ, ສ່ວນຫຼາຍແມ່ນໄວໜຸ່ມ. ທ່ານ Valery Fadeyev, ປະທານສະມາຄົມສິດທິມະນຸດ ລັດເຊຍ ຮຽກຮ້ອງໃຫ້ຂ້າຫຼວງໃຫຍ່ສິດທິມະນຸດ ສະຫະປະຊາຊາດ ພິຈາລະນາເຫດການຄືດັ່ງ “ໂທດກຳສົງຄາມ”. ລັດເຊຍ ຈະສືບຕໍ່ຊຸກຍູ້ບັນດາເວທີປາໄສສາກົນກ່າວປະນາມເຫດບຸກໂຈມຕີ.
ຈຸດເວລາເກີດເຫດການ ມີນັກສຶກສາ 86 ຄົນພວມຢູ່ໃນຕຶກອາຄານ. ຕົວເລກອັບເດດຫຼ້າສຸດຈາກວົງການເຈົ້າໜ້າທີ່ LPR ຊີ້ໃຫ້ເຫັນວ່າ ຈຳນວນຜູ້ຮັບບາດເຈັບເສຍຊີວິດໄດ້ເພີ່ມຂຶ້ນ 39 ຄົນ, ໃນນັ້ນມີຫຼາຍຄົນເສຍຊີວິດ.
ປະຈຸບັນ, ຢູແກຼນ ຍັງບໍ່ທັນຍົກອອກຄຳເຫັນທີ່ກ່ຽວຂ້ອງເຖິງເຫດການຢ່າງເປັນທາງການ.
