(ພາບ: baoquocte.vn)
ໃນຂອບເຂດການຢ້ຽມຢາມ ກຳປູເຈຍ, ວັນທີ 07 ສິງຫາ, ທ່ານ Mohamed Khaled Nordin, ລັດຖະມົນຕີກະຊວງປ້ອງກັນປະເທດ ມາເລເຊຍ ໄດ້ພົບປະກັບທ່ານ Hun Manet, ນາຍົກລັດຖະມົນຕີ ກຳປູເຈຍ.
ທີ່ການພົບປະ, ທ່ານ Mohamed Khaled Nordin, ລັດຖະມົນຕີກະຊວງປ້ອງກັນປະເທດ ມາເລເຊຍ ໄດ້ຢືນຢັນຄືນໃໝ່ຄຳໝັ້ນສັນຍາຂອງ ມາເລເຊຍ ໃນເລື່ອງສືບຕໍ່ປັບປຸງ ແລະ ເປີດກວ້າງການຮ່ວມມືດ້ານປ້ອງກັນຊາດກັບ ກຳປູເຈຍ, ພິເສດແມ່ນຜ່ານການສົມທົບກັນຢ່າງເລິກເຊິ່ງ, ກວ້າງຂວາງລະຫວ່າງກະຊວງປ້ອງກັນ 2 ປະເທດ; ເປີດບັນດາລາຍການບຳລຸງສ້າງໃຫ້ແກ່ ກຳປູເຈຍ ແລະ ຄົ້ນຄວ້າເປີດກວ້າງການຮ່ວມມືໃນບັນດາຂົງເຂດ, ຄື: ການເຄື່ອນໄຫວຮັກສາສັນຕິພາບ, ການຮັບມືກັບບັນດາຄວາມໝັ້ນຄົງແບບໃໝ່, ຄວາມໝັ້ນຄົງໃນການເດີນທະເລ...
ສ່ວນທ່ານນາຍົກລັດຖະມົນຕີ ກຳປູເຈຍ Hun Manet ຕີລາຄາສູງບັນດາຜົນງານທີ່ບັນລຸໄດ້ຜ່ານການຮ່ວມມື 2 ຝ່າຍ, ໂດຍສະເພາະແມ່ນໃນຂົງເຂດປ້ອງກັນຊາດ. ທີ່ການພົບປະ, 2 ຝ່າຍກໍ່ໄດ້ແລກປ່ຽນກ່ຽວກັບບັນຫາຈຳນວນໜຶ່ງຢູ່ພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.
