(REUTERS/Maria Alejandra Cardona)
ວັນທີ 15 ສິງຫາ, ກຳລັງຄວາມໝັ້ນຄົງ ມາຣົກ ໄດ້ສະກັດກັ້ນຊາວອົບພະຍົບນັບຮ້ອຍຄົນ, ສ່ວນຫຼາຍແມ່ນມາຈາກທິດໃຕ້ທະເລຊາຍ Sahara ທີ່ຊອກຫາວິທີຂ້າມແດນແບບຜິດກົດໝາຍເຂົ້ານະຄອນ Ceuta ຂອງ ແອັດສະປາຍ. ບັນດາຜູ້ຄົນດັ່ງກ່າວໄດ້ເຕົ້າໂຮມ ແລະ ລີ້ຕົວຢູ່ເຂດພູດອຍຢູ່ຊານນະຄອນ Fnideq, ໃກ້ກັບ Ceuta.
ເຫດການເກີດຂຶ້ນໃນສະພາບທີ່ ມາຣົກ ໄດ້ເພີ່ມທະວີກຳລັງຄວາມໝັ້ນຄົງຢູ່ຕາມເຂດຊາຍແດນທາງທິດເໜືອຫຼາຍພໍສົມຄວນ, ພາຍຫຼັງທີ່ປະກົດມີບັນດາຄຳຮຽກຮ້ອງຊັກຊວນໃນສື່ສັງຄົມອອນລາຍດຳເນີນການຂ້າມແດນລວມໝູ່ເຂົ້າ Ceuta ຄັ້ງໃໝ່ ໃນວັນທີ 15 ສິງຫາ.
ໃນຊຸມມື້ມໍ່ໆມານີ້, ອຳນາດການປົກຄອງ ມາຣົກ ໄດ້ເພີ່ມທະວີບັນດາມາດຕະການດ້ານຄວາມໝັ້ນຄົງຢູ່ອ້ອມຊານນະຄອນ Fnideq ແລະ ບັນດາເສັ້ນທາງທີ່ຈະພາໄປເຖິງ Ceuta, ຜັນຂະຫຍາຍຫຼາຍຕຳຫຼວດ ແລະ ທະຫານ, ພ້ອມກັບພາຫະນະລາດຕະເວນ ແລະ ອຸປະກອນຕິດຕາມກວດກາຫຼາຍພໍສົມຄວນ.
