ກະຊວງວິທະຍາສາດ ແລະ ເຕັກໂນໂລຢີຫາກໍ່ປຸກລະດົມລາງວັນ “ຜະລິດຕະພັນເຕັກໂນໂລຢີດີຈີຕອນ Make in Viet Nam” ປີ 2026, ເພື່ອແນໃສ່ເຊີດຊູບັນດາຜະລິດຕະພັນເຕັກໂນໂລຢີດີຈີຕອນໄດ້ຄົ້ນຄ້ວາ, ອອກແບບ, ປະດິດສ້າງ ແລະ ການຜະລິດຢູ່ ຫວຽດນາມ, ແກ້ໄຂບັນດາບັນຫາພາຍໃນປະເທດ ແລະ ມຸ່ງໄປເຖິງຕະຫຼາດສາກົນ.
ຕາມທ່ານ ຫງວຽນຄັກລິກ, ຫົວໜ້າກົມເຕັກໂນໂລຢີດີຈີຕອນ ແລະ ປັນຍາປະດິດ (ກະຊວງວິທະຍາສາດ ແລະ ເຕັກໂນໂລຢີ) ແລ້ວ, ລາງວັນປີນີ້ໄດ້ສຸມໃສ່ເຊີດຊູບັນດາຜະລິດຕະພັນທີ່ມີຂີດໝາຍປັນຍາຫວຽດ, ຊຸກຍູ້ການຫັນເປັນດີຈີຕອນທົ່ວປວງຊົນ, ຮອບດ້ານ; ຍູ້ແຮງການໝູນໃຊ້ປັນຍາປະດິດ (AI), ຜະລິດອັດສະລິຍະ ແລະ ມຸ່ງໄປເຖິງຄວາມເປັນເຈົ້າຂອງບັນດາເຕັກໂນໂລຢີຫຼັກ, ເຕັກໂນໂລຢີພື້ນຖານ, ເຕັກໂນໂລຢີຍຸດທະສາດ.
8 ລາງວັນຂອງການແຂ່ງຂັນປີ 2026 ລວມມີ: ຜະລິດຕະພັນເຕັກໂນໂລຢີດີຈີຕອນດີເດັ່ນໃນຂົງເຂດອຸດສາຫະກຳ ແລະ ກໍ່ສ້າງ, ກະສິກຳ, ຊັບພະຍາກອນທຳມະຊາດ ແລະ ສິ່ງແວດລ້ອມ, ຄົມມະນາຄົມການຂົນສົ່ງ, ໄປສະນີ ແລະ ການຂົນສົ່ງ; ການສຶກສາ, ການແພດ, ວັດທະນະທຳ, ສັງຄົມ; ການເງິນ, ທະນາຄານ, ການຄ້າ, ການບໍລິການ; ຜະລິດຕະພັນເຕັກໂນໂລຢີດີຈີຕອນດີເດັ່ນໃຫ້ແກ່ຕະຫຼາດຕ່າງປະເທດ; ຜະລິດຕະພັນປັນຍາປະດິດດີເດັ່ນ; ຜະລິດຕະພັນເຕັກໂນໂລຢີດີຈີຕອນມີຄວາມສາມາດບົ່ມຊ້ອນດີເດັ່ນ.
