ໂຄງການດັ່ງກ່າວໂດຍຄະນະຊາວໜຸ່ມນະຄອນ ໂຮ່ຈີມິນ ຈັດຂຶ້ນ, ໂດຍມີການເຂົ້າຮ່ວມຂອງ 102 ຄອບຄົວຮັບນັກສຶກສາລາວ ແລະ ກຳປູເຈຍ ກວ່າ 170 ຄົນ ທີ່ພວມຮ່ຳຮຽນຢູ່ມະຫາວິທະຍາໄລ, ວິທະຍາໄລ, ສະຖາບັນແຫ່ງຕ່າງໆໃນບໍລິເວນນະຄອນມາເປັນລູກລ້ຽງ. ນີ້ແມ່ນໂອກາດເພື່ອໃຫ້ບັນດາຄອບຄົວ ແລະ ບັນດານັກສຶກສາໄດ້ພົບປະ, ເຊື່ອມຕໍ່ ແລະ ຮຽງບ່າຮຽງໄຫຼ່ກັນຮ່ຳຮຽນ, ດຳລົງຊີວິດ ແລະ ຊອກຮູ້ກ່ຽວກັບວັດທະນະທຳ, ປະກອບສ່ວນສ້າງສະພາບແວດລ້ອມດຳລົງຊີວິດທີ່ໃກ້ຊິດ, ອົບອຸ່ນໃຫ້ແກ່ນັກສຶກສາສາກົນໃນໄລຍະຮ່ຳຮຽນຢູ່ນະຄອນຢ່າງເປັນທາງການ. ໂຄງການນີ້ແມ່ນຮູບແບບພົບປະແລກປ່ຽນປະຊາຊົນທີ່ແທດຈິງ, ປະກອບສ່ວນເພີ່ມພູນຄູນສ້າງຄວາມສາມັກຄີ, ມິດຕະພາບທີ່ເປັນມູນເຊື້ອລະຫວ່າງປະຊາຊົນ ແລະ ໄວໜຸ່ມສາມປະເທດ ຫວຽດນາມ - ລາວ - ກຳປູເຈຍ.
